గంటకు రూ.కోట్లలో ఆదాయం. ఎలా సాధ్యం. మనకు అయితే కష్టమే. కలలో కూడా ఇలాంటి ఆదాయాన్ని ఆశించలేం. కానీ ఇక్కడ ఒక వ్యక్తి మాత్రం గంటకు రూ.127 కోట్ల ఆదాయం గడించారు. ఆయనే ఎలాన్ మాస్క్.
బ్లూమ్బర్గ్ బిలియనీర్ ఇండెక్స్ ప్రకారం.. ఎలాన్ మాస్క్ నికర సంపద విలువ 195 బిలియన్ డాలర్లకు చేరింది. మన కరెన్సీలో చెప్పుకుంటే దాదాపు రూ.14,23,500 కోట్లు. జెఫ్ బెజోస్ సంపద విలువ 185 బిలియన్ డాలర్లు ఉంది. టెస్లా కంపెనీ షేర్ల ధర 8 శాతం పెరగడంతో ఎలాన్ మాస్క్ అగ్రస్థానంలోకి దూసుకెళ్లారు.
అమెజాన్ చీఫ్ జెఫ్ బెజోస్ 2017 అక్టోబర్ నుంచి టాప్ పొజిషన్లో కొనసాగుతూ వచ్చారు. అయితే ఇప్పుడు పరిస్థితులు మారిపోయాయి. ఎలాన్ మాస్క్ సపద విలవు గత ఏడాది కాలంలో 150 బిలియన్ డాలర్లు పెరిగింది. గంటకు ఏకంగా రూ.127 కోట్లు అర్జించారు. ఈయన రానున్న కాలంలో తొలి ట్రిలియనీర్గా అవతరించొచ్చనే అంచనాలున్నాయి.