'బాల్క సుమన్ కాదు, బానిస సుమన్'...సోషల్ మీడియాలో ట్రోలింగ్

     Written by : smtv Desk | Fri, Jan 08, 2021, 02:45 PM

'బాల్క సుమన్ కాదు, బానిస సుమన్'...సోషల్ మీడియాలో ట్రోలింగ్

తెలంగాణలో బీజేపీ, టీఆర్ఎస్ నేతల మధ్య మాటల యుద్ధం జరుగుతోంది. కేసీఆర్ ఢిల్లీ పర్యటన తర్వాత టీఆర్ఎస్ కీలక నేతలు సైలెంట్ అయినప్పటికీ.. ఎమ్మెల్యేలు మాత్రం బీజేపీ నేతలకు ధీటుగా సమాధానం ఇస్తున్నారు. బీజేపీ రాష్ట్ర అధ్యక్షుడు బండి సంజయ్ టార్గెట్‌‌గా చెన్నూరు ఎమ్మెల్యే, ప్రభుత్వ విప్ బాల్క సుమన్ విమర్శలు గుప్పిస్తున్నారు. బలిసిందా..? ఖబడ్దార్.. తోలు తీస్తాం.. అంటూ ఓ రేంజ్‌లో చెలరేగుతున్నారు.



దీంతో బీజేపీ నాయకులు సైతం బాల్క సుమన్‌పై ఎదురు దాడికి దిగారు. ఒళ్లు దగ్గర పెట్టుకొని మాట్లాడాలని హెచ్చరిస్తున్నారు. జీహెచ్ఎంసీ ఎన్నికల్లో, దుబ్బాకలో ఇప్పటికే ప్రజలు మీ తోలు తీశారని బీజేపీ నేతలు సెటైర్లు వేస్తున్నారు. ఉద్యమ దశలో విద్యార్థి నేతగా.. రాష్ట్ర ఆవిర్భావం తర్వాత ఎంపీగా, ఎమ్మెల్యేగా బాధ్యతలు నిర్వర్తించిన మీరు.. జాతీయ పార్టీ రాష్ట్ర అధ్యక్షుడి గురించి ఇలాంటి మాటలు మాట్లాడతారా? అని బీజేపీ సానుభూతిపరులు ప్రశ్నిస్తున్నారు.

శివసేన తరహా దాడులకు సిద్ధంకండి అని టీఆర్ఎస్ శ్రేణులకు బాల్క సుమన్ పిలుపునివ్వడం పట్ల బీజేపీ నేతలు మండిపడుతున్నారు. బాల్క సుమన్ ప్రజాసేవకుడు కాదు.. ప్రగతి భవన్ సేవకుడంటూ సెటైర్లు వేస్తున్నారు. మటన్ మస్తాన్, బాల్క సుమన్ మటన్ షాప్ అంటూ టీఆర్ఎస్ ఎమ్మెల్యేను ట్రోల్ చేస్తున్నారు.






Untitled Document
Advertisements