ఫైనాన్స్ కంపెనీల లైసెన్స్ రద్దు...!

Written by : smtv Desk | Sat, Jan 09, 2021, 11:41 AM

రిజర్వు బ్యాంక్ ఆఫ్ ఇండియా RBI నాన్ బ్యాంకింగ్ ఫైనాన్స్ కంపెనీలకు ఝలక్ ఇచ్చింది. మరో మూడు సంస్థల లైసెన్స్‌ను ద్దు చేసింది. అంతేకాకుండా మరో 6 ఎన్‌బీఎఫ్‌సీ సంస్థలు ఆర్‌బీఐకి లైసెన్స్‌ను తిరిగి ఇచ్చేశాయి. ఇదేకాకుండా గతంలోనూ రిజర్వు బ్యాంక్ పలు ఎన్‌బీఎఫ్‌సీల లైసెన్స్‌‌ను రద్దు చేసింది.

నాన్ బ్యాంకింగ్ ఫైనాన్స్ కంపెనీలు బిజినెస్ చేసే వారికి, ట్రైడర్లకు, ఇతరులకు రుణాలు అందిస్తుంటాయి. అయితే వీటిల్లో బ్యాంకుల కన్నా వడ్డీ రేటు ఎక్కువగా ఉంటుంది. బ్యాంకుల్లో కన్నా ఎన్‌బీఎఫ్‌సీల్లో సులభంగా రుణాలు లభిస్తాయి. పెద్దగా పేపర్ వర్క్ కూడా ఉండదు.

ఆర్‌బీఐ మూడు నాన్ బ్యాంకింగ్ ఫైనాన్స్ కంపెనీల లైసెన్స్‌ను రద్దు చేసింది. ఆర్‌బీఐ నివేదిక ప్రకారం.. ఆర్‌బీఐ యాక్ట్ 1934లోని సెక్షన్ 45 ఐలోని సెక్షన్ ఏ ప్రకారం.. కార్యకలాపాలు నిర్వహించని వాటి లైసెన్స్ రద్దు చేసింది. వీటిల్లో అభినవ్ హైర్ పర్చేజ్, జుపిటర్ మేనేజ్‌మెంట్ సర్వీసెస్, ఎన్ఈ లీజింగ్ అండ్ ఫైనాన్స్ అనే సంస్థల లైసెన్స్ రద్దు అయ్యింది.

ఇకపోతే మరో 6 ఎన్‌బీఎఫ్‌సీ సంస్థలు వాటి లైసెన్స్‌ను వెనక్కి ఇచ్చేశాయి. ఈ సంస్థలు కూడా కార్యకలాపాలను నిర్వహించలేకపోవడం కారణం. ఇకపోతే ఆర్‌బీఐ ఇటీవలనే బజాజ్ ఫైనాన్స్ సంస్థలు ఝలక్ ఇచ్చిన విషయం తెలిసిందే. కస్టమర్ల నుంచి డబ్బులు వసూలు చేయడంలో వేధించారనే కారణంగా ఆర్‌బీఐ బజాజ్ ఫైనాన్స్‌కు భారీ జరిమానా వేసింది.