పాకిస్థాన్ మాజీ కెప్టెన్ షోయబ్ మాలిక్‌కి యాక్సిడెంట్

Written by : smtv Desk | Mon, Jan 11, 2021, 05:46 PM

పాకిస్థాన్ మాజీ కెప్టెన్ షోయబ్ మాలిక్‌కి యాక్సిడెంట్ అయ్యింది. ఆదివారం రాత్రి తన సహచర క్రికెటర్ వాహబ్ రియాజ్ కారుని ఓవర్‌టేక్ చేసేందుకు షోయబ్ మాలిక్ ప్రయత్నించగా.. అదుపు తప్పిన అతను స్పోర్ట్స్ కారు రోడ్డు పక్కన పార్క్ చేసి ఉన్న ట్రక్‌ని వేగంగా వెళ్లి ఢీకొట్టింది. దాంతో.. కారు ముందు భాగం నుజ్జునుజ్జు అయిపోగా.. లగ్జరీ స్పోర్ట్స్ కారు కావడంతో షోయబ్ మాలిక్‌కి ఎలాంటి గాయాలు కాలేదు.

పాకిస్థాన్ సూపర్ లీగ్ (పీఎస్‌ఎల్) ఆరో ఎడిషన్‌కి సంబంధించిన డ్రాప్ట్ ఈవెంట్ ఆదివారం రాత్రి జరగగా.. ఆ డ్రాప్ట్‌కి హాజరైన షోయబ్ మాలిక్ అనంతరం లాహోర్‌లోని హోటల్‌కి వెళ్తుండగా ఈ ప్రమాదం చోటు చేసుకుంది. స్థానిక మీడియా సమాచారం ప్రకారం వాహబ్ రియాజ్‌తో సరదా రేస్‌లో పోటీపడిన మాలిక్.. అతడి కారుని ఓవర్‌టేక్ చేసే ప్రయత్నంలో కారుని అదుపు చేయలేక ఈ యాక్సిడెంట్ చేశాడు.

రెస్టారెంట్ వద్ద ట్రక్‌ని పార్క్ చేసి ఉండగా.. షోయబ్ మాలిక్ కారు వెళ్లి దాన్ని ఢీకొట్టింది. దాంతో.. అక్కడే భోజనం చేస్తున్న జనం వేగంగా స్పందించి మాలిక్‌ని కారు వెలుపలికి తీశారు. ఆ తర్వాత అక్కడి నుంచి వేరే కారులో మాలిక్ వెళ్లిపోయినట్లు సమాచారం. యాక్సిడెంట్ విషయాన్ని స్వయంగా ట్విట్టర్ వెల్లడించిన మాలిక్.. తాను క్షేమంగా ఉన్నట్లు స్పష్టం చేశాడు. వన్డే, టెస్టులకి ఇప్పటికే రిటైర్మెంట్ ప్రకటించిన మాలిక్.. టీ20ల్లో మాత్రం కొనసాగుతున్నాడు. భారత టెన్నిస్ స్టార్ సానియా మీర్జాని మాలిక్ పెళ్లి చేసుకున్న విషయం తెలిసిందే.