ఎస్‌బీఐ, మహీంద్రా భాగస్వామ్యం...సులభంగానే రుణాలు, ప్రత్యేక ఆఫర్లు!!!

Written by : smtv Desk | Wed, Jan 13, 2021, 01:11 PM

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI కస్టమర్లకు శుభవార్త అందించింది. మరీముఖ్యంగా సొంతింటి కల సాకారం చేసుకోవాలని భావించే ఊరట కలిగే నిర్ణయం తీసుకుంది. స్టేట్ బ్యాంక్ తాజాగా రియల్టీ సంస్థ మహీంద్రా లైఫ్‌స్పేస్ డెవలపర్స్‌తో జతకట్టింది.
ఎస్‌బీఐ, మహీంద్రా లైఫ్‌స్పేస్ డెవలపర్స్ భాగస్వామ్యం వల్ల కస్టమర్లకు సులభంగానే హోమ్ లోన్స్ లభించనున్నాయి. అంతేకాకుండా కస్టమర్లకు, ఉద్యోగులకు ప్రత్యేకమై డిస్కౌంట్ కూడా లభించనుంది. ఇంకా ప్రత్యేక స్కీమ్స్‌ కూడా అందుబాటులోకి రానున్నాయి.

స్టేట్ బ్యాంక్‌తో జతకట్టడం వల్ల ఆనందంగా ఉందని, ఈ భాగస్వామ్యం వల్ల ఇరు సంస్థల కస్టమర్లకు సులభంగానే హోమ్ లోన్స్ లభిస్తాయని మహీంద్రా లైఫ్‌స్పేస్ డెవలపర్స్ సీఈవో, మేనేజింగ్ డైరెక్టర్ అర్వింద్ సుబ్రమణియమ్ తెలిపారు. దీంతో హోమ్ లోన్ తీసుకోవాలని భావించే వారికి బెనిఫిట్ కలుగనుంది.
స్టేట్ బ్యాంక్‌కు చెందిన రియల్ ఎస్టేట్ విభాగం హెడ్, చీఫ్ జనరల్ మేనేజర్ శ్రీకాంత్ మాట్లాడుతూ.. స్టేట్ బ్యాంక్ ఇప్పటికే మహీంద్రా లైఫ్‌స్పేస్ ప్రాజెక్టులకు ఆమోదం తెలిపిందని తెలిపారు. ఎంఎంఆర్, బెంగళూరు, పూణే, చెన్నై, నాగ్‌పూర్ వంటి ప్రాంతాల్లో ఈ ప్రాజెక్టులు ఉన్నాయని పేర్కొన్నారు.