టీవీఎస్ స్కూటర్‌పై అదిరే ఆఫర్....నెలకు రూ.1,777 చెల్లిస్తే చాలు

Written by : smtv Desk | Sat, Jan 16, 2021, 08:27 AM

కొత్తగా టూవీలర్ కొనుగోలు చేయాలని ఆలోచిస్తున్నారా? అది కూడా స్కూటర్ ఇంటికి తీసుకెళ్లాలని యోచిస్తున్నారా? అయితే మీకు శుభవార్త. మీ కోసం అదిరిపోయే ఆప్షన్ ఒకటి అందుబాటులో ఉంది. ప్రముఖ టూవీలర్ కంపెనీ టీవీఎస్ మోటార్ టూవీలర్లపై అదిరే ఆఫర్ ఒకటుంది.

టీవీఎస్ కంపెనీ తన ప్రముఖ స్కూటర్ స్కూటీ పెప్ ప్లస్ మోడల్‌పై అదిరిపోయే ఆఫర్ అందుబాటులో ఉంచింది. కొనుగోలుదారులకు బై నౌ పే లేటర్ ఆప్షన్ అందిస్తోంది. టీవీఎస్ మోటార్ వెబ్‌సైట్ ప్రకారం.. అతితక్కువ వడ్డీ రేటుకే స్కూటర్ కొనుగోలు చేయొచ్చు.

టీవీఎస్ స్కూటీ పెప్ ప్లస్ మోడల్‌‌పై వడ్డీ రేటు 6.99 శాతం నుంచి ప్రారంభమౌతోంది. నెల వారీ ఈఎంఐ రూ.1,777 నుంచి స్టార్ట్ అవుతుంది. ఈ ఈఎంఐ ప్రకారం చూస్తే డౌన్ పేమెంట్ రూ.10 వేలలోపు చెల్లిస్తే సరిపోతుంది. కొత్త స్కూటర్ కొనుగోలు చేయాలని భావించే వారికి ఇది మంచి అవకాశముని భావించొచ్చు. కంపెనీ ఈ మోడల్‌ను ఇండియాలో నెంబర్ 1 ఎకనమికల్ స్కూటర్ అని బ్రాండింగ్ చేసుకుంటోంది.

స్కూటీ పెప్ ప్లస్ మోడల్ ఎక్స్‌షోరూమ్ ధర రూ.52,772గా ఉంది. ఇది హైదరాబాద్‌లో ఎక్స్‌షోరూమ్ రేటు. ఇకపోతే టీవీఎస్ స్కూటీ పెప్ రెండు వేరియంట్ల రూపంలో కస్టమర్లకు అందుబాటులో ఉంది. గ్రాసీ ఎడిషన్, మెట్ ఎడిషన్. గ్లాసీ మోడల్ ధర రూ.52 వేలుగా, మెట్ ఎడిషన్ ధర రూ.54,422గా ఉంది.