SBI బ్యాంక్‌లో అకౌంట్ ఉన్నవారికి షాకింగ్ న్యూస్

Written by : smtv Desk | Sat, Jan 16, 2021, 08:29 AM

బ్యాంక్‌లో అకౌంట్ ఉందా? అయితే మీ అకౌంట్‌లోని డబ్బులకు వడ్డీ కూడా వస్తుంటుంది. అయితే ఇక్కడ మీరు ఒక విషయం తెలుసుకోవాలి. బ్యాంక్ ప్రాతిపదికన మీకు వచ్చే వడ్డీ కూడా మారుతుంది. అంటే ప్రతి ఒక్క బ్యాంకులో ఒకే రకమైన వడ్డీ ఉండదు.

అందుకే బ్యాంక్‌లో సేవింగ్స్ ఖాతా ఓపెన్ చేసేటప్పుడు కూడా ఈ విషయాన్ని గుర్తించాలి. ప్రైవేట్, స్మాల్ ఫైనాన్స్ బ్యాంకులతో పోలిస్తే సాధారణంగా ప్రభుత్వ రంగ బ్యాంకుల్లో సేవింగ్స్ ఖాతాలపై చాలా తక్కువ వడ్డీ వస్తుంది. అయితే కొన్ని ప్రభుత్వ బ్యాంకులు కూడా అధిక వడ్డీని ఆఫర్ చేస్తున్నాయి.

ఐడీబీఐ బ్యాంక్, కెనరా బ్యాంక్ వంటివి కస్టమర్లకు వారి సేవింగ్స్ బ్యాంక్ ఖాతాలపై అధిక వడ్డీ అందిస్తున్నాయి. ఈ బ్యాంకులు వరుసగా 3.5 శాతం, 3.2 శాతం చొప్పున వడ్డీని ఆఫర్ చేస్తు్న్నాయి. ప్రైవేట్ బ్యాంకులతో పోలిస్తే ఈ వడ్డీ రేట్లు ఆకర్షణీయంగానే ఉన్నాయి.

ప్రైవేట్ రంగానికి చెందిన హెచ్‌డీఎఫ్‌సీ బ్యాంక్, ఐసీఐసీఐ బ్యాంక్‌ 3 నుంచి 3.5 శాతం వరకు వడ్డీని అందిస్తున్నాయి. కోటక్ మహీంద్రా బ్యాంక్, ఇతర బ్యాంకులు అయితే 3.5 శాతం నుంచి 4 శాతం వరకు వడ్డీని ఆఫర్ చేస్తోంది. అదే స్మాల్ ఫైనాన్స్ బ్యాంకులు అయితే 7 శాతం వరకు వడ్డీని ఆఫర్ చేస్తు్న్నాయి.
సేవింగ్స్ ఖాతాలపై అధిక వడ్డీ రేటును అందిస్తు్న్న బ్యాంకుల విషయానికి వస్తే.. దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా SBI టాప్‌ 10లో కూడా లేదు. ఇతర బ్యాంకుల కన్నా కింద ఉంది. టాప్‌లో ఐడీబీఐ, కెనరా బ్యాంకులు ఉన్నాయి. ఎస్‌బీఐలో 2.7 శాతం వడ్డీ మాత్రమే లభిస్తోంది.