ఉమెన్స్ డే నాడు దారుణం...షాకింగ్ వీడియో షేర్ చేసిన యాంకర్ రష్మి

Written by : smtv Desk | Mon, Mar 08, 2021, 06:18 PM

ప్రపంచం అంతా ఉమెన్స్ డే సెలబ్రేషన్స్ హడావిడిలో ఉంటే.. షాకింగ్ వీడియోను షేర్ చేసింది యాంకర్ రష్మి గౌతమ్. మహిళల్ని ఎంత దారుణంగా అవమానిస్తున్నారో.. వాళ్లపై ఎలాంటి పదజాలం ఉపయోగిస్తూ తమ క్రూరత్వాన్ని చూపిస్తున్నారో తెలియజేస్తూ ఎమోషనల్ మెసేజ్‌తో పాటు వీడియోను షేర్ చేసింది యాంకర్ రష్మి. బెంగుళూరులో జరిగిన ఘటనపై ఘాటుగా స్పందించింది రష్మి. వీధికుక్కలకు ఆహారం పెడుతున్న మహిళలపై ఓ యువకుడు దాడికి పాల్పడుతూ.. ఆమెను లం****అంటూ బూతులతో విరుచుకుపడుతున్నాడు. అయితే అతను వాళ్ల పేరెంట్స్ ఎదురుగానే ఇలాంటి మాటలు మాట్లాడటం.. దానికి వాళ్లు సపోర్ట్ చేయడాన్ని కూడా తప్పు పడుతూ వీడియో షేర్ చేశారు రష్మి. ‘‘క్షమించండి, ఈ సమాజం మారేంత వరకు నాకు మహిళా దినోత్సవ శుభాకాంక్షలు చెప్పొద్దు. ఒక మహిళను ఒక మగాడు బహిరంగంగా దూషించగలుగుతున్నాడు. ఆమెను ల** అని అన్నాడు. దానర్థం ఆమె అందరితో పడుకుంటుంది అని. ఆమెపై చెప్పులు విసిరాడు. ఇదంతా అతని తల్లిదండ్రుల ముందే జరగడం బాధాకరం. ఈరోజు కూడా సర్వసాధారణమైన రోజే. స్త్రీని ఆరాధిస్తూ సంబరాలు జరుపుకోకండి. మానవత్వం అంటే మనుషులంతా సమానమే అని చెప్పడం. ఒక సమస్యను పరిష్కరించడానికి నాగరికత అనే ఆప్షన్ ఎప్పుడూ ఉంటుంది’ అంటూ తనదైన శైలిలో స్పందించింది యాంకర్ రష్మి.