పెళ్లికి ముందే గర్భవతైన హీరోయిన్!

     Written by : smtv Desk | Wed, Apr 07, 2021, 12:40 PM

పెళ్లికి ముందే గర్భవతైన హీరోయిన్!

బాలీవుడ్ నటి దియా మీర్జా ఈ ఏడాది ఫిబ్రవరీ 15వ తేదీన ప్రముఖ వ్యాపారవేత్త వైభవ్ రేఖీని వివాహం చేసుకుంది. గతం సాహిల్ సంఘా అనే వ్యక్తిని వివాహమాడింది దియా. అయితే విబేధాల కారణంగా పెళ్లైన 5 సంవత్సరాల తర్వాత వీరిద్దరు విడిపోయారు. ఆ తర్వాత వైభవ్‌తో ప్రేమలో పడిన ఆమె ఇటీవల అతన్ని వివాహమాడింది. అయితే పెళ్లై కనీసం రెండు నెలలు కూడా గడవక ముందే తాను తల్లిని కాబోతున్నట్లు దియా ప్రకటించింది. సోషల్‌మీడియా వేదికగా ఆమె ఈ విషయాన్ని వెల్లడించింది. దీంతో అనేక సందేహాలు నెటిజన్ల మదిలో నెలకొన్నాయి. వివాహానికి ముందే గర్భం దాల్చారా? గర్భవతి అయ్యారు కాబట్టే హడావుడిగా వివాహం చేసుకున్నారా? అంటూ అనేక ప్రశ్నలతో దియాను ముంచెత్తారు నెటిజన్లు. అయితే ఈ ప్రశ్నలన్నింటికీ దియా.. తన ఇన్‌స్టాగ్రామ్ వేదికగా సమాధానాలు ఇచ్చింది. ముందుగా తాను గర్భవతి అయింది కాబట్టే హడావుడిగా వివాహం చేసుకున్నారనే మాట అవాస్తవమని స్పష్టం చేసింది. ‘‘పెళ్లికి ముందే నేను గర్భవతి అని తెలుసు. అయితే గర్భవతిని కాబట్టి హడావుడిగా పెళ్లి చేసుకోలేదు. పెళ్లి గురించి ఎప్పటినుంచో ప్లాన్ చేసుకుంటున్నాం. అయితే గర్భం దాల్చిన విషయాన్ని పెళ్లికి ముందే ప్రకటించడంలో నాకు ఎటువంటి సమస్య లేదు. కానీ, ఆ సమయంలో నేను కొంత అనారోగ్యంగా ఉన్నాను. అందుకే చెప్పలేదు. నిజానికి నా జీవితంలో ఎంతో గొప్ప విషయమది. ఇలాంటి రోజు రావాలని నేను ఎంతో కాలంగా కన్న కలలు ఇప్పటికి నెరవేరాయి. అంతే తప్పా, తల్లి కాబోతున్న విషయాన్ని ప్రకటించకపోవడంలో మరే ఉద్దేశ్యం లేదు’’ అని దియా పేర్కొంది. ఇక తల్లి కావడం అనేది ఓ మహిళకు దక్కే గొప్ప బహుమతి అని అన్న దియా.. అది పెళ్లికి ముందా.. తర్వాత అనే విషయం పూర్తిగా వ్యక్తిగతం అని తెలిపింది. ఇందుకు సమాజం ఏమనుకుంటుందా అనే భయం అక్కర్లేదని స్పష్టం చేసింది. కింగ్ నాగార్జున ప్రధాన పాత్రలో తెరకెక్కిన వైల్డ్‌డాగ్ అనే చిత్రంలో నాగ్ సరసన నటించింది దియా. హైదరాబాద్‌లో జరిగిన బాంబు దాడుల అనంతరం జరిగిన ఇన్వెస్టిగేషన్ నేపథ్యంలో ఈ సినిమా తెరకెక్కింది. గత శుక్రవారం విడుదలైన ఈ సినిమా ప్రస్తుతం విజయవంతంగా ప్రదర్శింపబడుతోంది.







Untitled Document
Advertisements