ఆర్‌బీఐ గుడ్ న్యూస్... ఆ లిమిట్ రూ.2 లక్షలకు పెంపు!

Written by : smtv Desk | Wed, Apr 07, 2021, 07:12 PM

మీకు పేమెంట్స్ బ్యాంకుల్లో అకౌంట్ ఉందా? అంటే ఎయిర్‌టెల్ పేమెంట్స్ బ్యాంక్, పేటీఎం పేమెంట్స్ బ్యాంక్, ఇండియా పోస్ట్ పేమెంట్స్ బ్యాంక్ వంటి వాటిల్లో ఖాతా కలిగి ఉన్నారా? అయితే మీకు శుభవార్త. రిజర్వు బ్యాంక్ ఆఫ్ ఇండియా RBI తాజాగా మీకు తీపికబురు అందించింది. కీలక నిర్ణయం తీసుకుంది.

ఆర్‌బీఐ తాజా పాలసీ సమీక్షలో పలు కీలక నిర్ణయాలు తీసుకుంది. వీటిల్లో పేమెంట్స్ బ్యాంక్ డిపాజిట్ లిమిట్ పెంపు కూడా ఒకటి. రిజర్వు బ్యాంక్ పేమెంట్స్ బ్యాంక్ డిపాజిట్ లిమిట్‌ను రూ.లక్ష నుంచి రూ.2 లక్షలకు పెంచేసింది. ఈ నిర్ణయం వెంటనే అమలులోకి వస్తుందని తెలిపింది. పేమెంట్స్ బ్యాంక్ ఎప్పటి నుంచో డిపాజిట్ లిమిట్ పెంచాలని ఆర్‌బీఐ కోరుతూ వస్తున్నాయి. రిజర్వు బ్యాంక్ ఇప్పుడు వాటికి ఊరట కలిగే నిర్ణయం తీసుకుంది. పేమెంట్స్ బ్యాంక్ ఏర్పాటు కోసం లైసెన్స్ అందించడానికి ఆర్‌బీఐ 2015లో 11 సంస్థలకు సూత్రప్రాయ ఆమోదం అందించింది.

ఇంకా ఆర్‌బీఐ నెఫ్ట్ NEFT, ఆర్‌టీజీఎస్ RTGS వంటి సర్వీసులను డిజిటల్ పేమెంట్స్ ఇంటర్‌మీడియరీస్‌కు కూడా అందుబాటులో ఉంచుతామని వెల్లడించింది. కేవలం బ్యాంకులకు మాత్రమే ఆర్‌టీజీఎస్, నెఫ్ట్ పేమెంట్స్ ఫెసిలిటీ ఉంది. కాగా రిజర్వు బ్యాంక్ కీలక వడ్డీ రేట్లను యథాతథంగానే కొనసాగించింది.