అడవి శేష్‌తో రిలేషన్ పై క్లారిటీ ఇచ్చిన రేణూ దేశాయ్

Written by : smtv Desk | Wed, Apr 14, 2021, 01:01 PM

అడవి శేష్ నటించిన ‘మేజర్’ టీజర్ సోమవారం నాడు విడుదలై మంచి రెస్పాన్స్ రాబట్టింది. అయితే ఈ టీజర్ విడుదల సందర్భంగా పవన్ కళ్యాణ్ మాజీ భార్య రేణు దేశాయ్.. శుభాకాంక్షల్ని తెలియజేస్తూ అడవి శేష్, అకిరా, ఆద్యలు ఉన్న ఫొటోని తన ఇన్ స్టాగ్రామ్‌లో షేర్ చేసింది. అయితే గతంలో కూడా అడవి శేష్, అకిరా కలిసి ఉన్న ఫొటోని సోషల్ మీడియాలో షేర్ చేయడంతో వైరల్ అయ్యింది.
ఇదిలా ఉంటే.. తాజాగా రేణు దేశాయ్ తన కూతురు ఆద్యతో కలిసి ఇన్ స్టాగ్రామ్ లైవ్ నిర్వహించగా.. పవన్ కళ్యాణ్ ఫ్యాన్స్ వదినా వదినా అంటూ అనేక ప్రశ్నలు వేశారు.

వదినా పవన్ కళ్యాణ్ గురించి మాట్లాడండి.. ఆయన కోసం మేం చేస్తున్న మెసేజ్‌లను చదవండి అని పవన్ ఫ్యాన్స్ మెసేజ్‌లు పెట్టడంతో.. సీరియస్‌గా రియాక్ట్ అయ్యారు రేణు దేశాయ్. ‘నా లైవ్‌కి వచ్చి ఆయన గురించి మెసేజ్‌లు ఎందుకు పెడుతున్నారు?? తీరా నేను ఆయన గురించి మాట్లాడితే.. తిరిగి నన్నే తిడతారు. రేణు దేశాయ్‌కి ఏం పనిలేదు.. ఆయన గురించే మాట్లాడుతుంది అని.. నన్ను ఇటు ఉండనివ్వరు.. అటు ఉండనివ్వరు.. నేనేం చేయాలి? నేను లైవ్‌లోకి వచ్చానంటే దీని గురించే అడుగుతున్నారు అని నవ్వుతూనే తన రియాక్షన్ చూపించింది రేణు దేశాయ్.

ఇక ఇదే లైవ్‌లో పవన్ కళ్యాణ్ కూతురు ఆద్య కూడా కనిపించడంతో చాలామంది అభిమానులు.. తెలుగులో మాట్లాడాలని కోరడంతో రేణు దేశాయ్ ఆద్యతో తెలుగులో మాట్లాడించారు.. ఎలా ఉన్నారు బాగున్నారా? అని మాట్లాడించింది. ఇక అడవి శేష్‌తో ఆద్య, అకిరా రిలేషన్ గురించి ఒక్క మాటలో చెప్పాలంటే ఏం చెప్తారు అని నెటిజన్ ప్రశ్నించగా.. ‘రాశాం కదా.. అన్న అని.. అడవి శేష్ అంటే అన్న’ అంటూ క్లారిటీ ఇచ్చింది రేణు దేశాయ్. అయితే అయినప్పటికీ మళ్లీ మళ్లీ మీ రిలేషన్ షిప్ ఏంటి అని?.. అడగడంతో.. ‘మీకు తెలుగు అర్థం కాదా?? బ్రదర్ అంటే ఏంటి?? అన్న.. అనే కదా అర్థం.. మీకు అర్థం కాదా?? అన్న అంటే బిగ్ బ్రదర్’ అని కాస్త గట్టిగానే చెప్పింది రేణు దేశాయ్.