పోస్టాఫీస్: వీటిల్లో డబ్బులు పెడితే మంచి రాబడి

Written by : smtv Desk | Wed, Apr 14, 2021, 02:27 PM

మీ డబ్బును రెట్టింపు చేసుకోవాలని యోచిస్తున్నారా? అయితే మమీకోసం ఒక ఆప్షన్ అందుబాటులో ఉంది. రిస్క్ లేకుండానే డబ్బు డబుల్ చేసుకునే ఛాన్స్ ఒకటి. అదే పోస్టాఫీస్ స్మాల్ సేవింగ్ స్కీమ్స్. వీటిల్లో డబ్బులు పెడితే ఆకర్షణీయ రాబడి పొందొచ్చు. డబ్బులు పోతాయేమోనని భయపడాల్సిన అవసరం లేదు.

పోస్టాఫీస్‌లో పలు రకాల స్కీమ్స్ అందుబాటులో ఉన్నాయి. వీటిల్లో ఆకర్షణీయ రాబడి అందించే పథకాల గురించి ఇప్పుడు తెలుసుకుందాం. టైమ్ డిపాజిట్ స్కీమ్ ఒకటి. ఈ స్కీమ్‌లో చేరితే 5.5 శాతం వడ్డీ రేటు పొందొచ్చు. 1-3 ఏళ్ల టైమ్ డిపాజిట్లకు ఇది వర్తిస్తుంది. ఐదేళ్ల టెన్యూర్‌లోని డిపాజిట్లకు 6.7 శాతం వడ్డీ వస్తుంది. మీ డబ్బు 10.75 ఏళ్లలో రెట్టింపు అవుతుంది.

పోస్టాఫీస్‌లో రికరింగ్ డిపాజిట్ స్కీమ్ కూడా ఉంది. దీనిపై 5.8 శాతం వడ్డీ వస్తుంది. మీ డబ్బు 12.4 ఏళ్లలో రెట్టింపు అవుతుంది. మీరు నెలకు రూ.100 నుంచి ఇన్వెస్ట్ చేయొచ్చు. మంత్లీ ఇన్‌కమ్ స్కీమ్ కూడా ఉంది. ఈ పథకంలో చేరితే 6.6 శాతం వడ్డీ వస్తుంది. మీ డబ్బు 10.9 ఏళ్లలో రెట్టింపు అవుతుంది. రూ.1000తో ఈ స్కీమ్‌లో చేరొచ్చు.

సుకన్య సమృద్ధి యోజన అనే మరో పథకం కూడా ఉంది. ఈ స్కీమ్‌లో చేరితే 7.6 శాతం వడ్డీ వస్తుంది. మీ డబ్బు 9.47 ఏళ్లలో రెట్టింపు అవుతుంది. ఈ స్కీమ్ మెచ్యూరిటీ కాలం 21 ఏళ్లు. అలాగే నేషనల్ సేవింగ్ సర్టిఫికెట్ NSC పథకం కూడా ఉంది. ఇందులో 6.8 శాతం వడ్డీ వస్తుంది. మీ డబ్బు 10.59 ఏళ్లలో రెట్టింపు అవుతుంది.