ఇలా చేస్తే జరిమనా పడకుండా తప్పించుకోవచ్చు

Written by : smtv Desk | Wed, Apr 14, 2021, 04:44 PM

మీకు బైక్ ఉందా? లేదంటే స్కూటర్ కలిగి ఉన్నారా? అయితే మీరు కచ్చితంగా ఒక విషయం తెలుసుకోవాలి. లేదంటే ట్రాఫిక్ పోలీసులు విధించే జరిమానా భారం మోయాల్సి వస్తుంది. సేఫ్టీ రూల్స్‌ను అతిక్రమిస్తే ఏమౌతుంది? ట్రాఫిక్ పోలీసులు సాధారణంగా జరిమానా విధిస్తూ ఉంటారు. ఇలా జరిమానాలను తప్పించుకోవాలంటే ట్రాఫిక్ రూల్స్ తెలుసుకోవాలి.

భారీ జరిమానాలు విధిస్తే.. వాహనదారులు అలాగైనా రూల్స్ అతిక్రమించరని భావించొచ్చు. అయినా కూడా అక్కడక్కడ కొంత మంది ట్రాఫిక్ రూల్స్ బ్రేక్ చేస్తూనే ఉంటారు. అయితే టూవీలర్ కలిగిన కలిగిన వారు మాత్రం ఒక విషయం గుర్తుపెట్టుకోవాలి. చిన్న చిన్న పొరపాట్లు జరగకుండా చూసుకుంటే జరిమనా పడకుండా తప్పించుకోవచ్చు.

కొత్త మోటార్ వెహికల్ చట్టం ప్రకారం.. వాహనదారులు ట్రాఫిక్ రూల్స్‌ను అతిక్రమిస్తే.. భారీ జరిమానా ఎదుర్కోవలసి వస్తుంది. మీరు మీ టూవీలర్‌కు రియల్ వ్యూ మిర్రర్స్‌ను తీసేసినా కూడా జరిమానా పడుతుంది. మనం చాలా టూవీలర్లకు ఈ మిర్రర్స్ లేకపోవడాన్ని గమనించొచ్చు.

అందువల్ల మీరు కూడా మీ బైక్ లేదా స్కూటర్‌కు రియర్ వ్యూ మిర్రర్స్‌ను తీసేసి ఉంటే.. వెంటనే మళ్లీ వెహికల్‌కు వీటిని సెట్ చేసుకోండి. జరిమనా పడకుండా తప్పించుకోండి. అలాగే టూవీలర్‌కు ఇండికేటర్లు కూడా ఉండాలి. ఇవి లేకపోయినా కూడా జరిమానా పడుతుంది.

రియర్ వ్యూ మిర్రర్లు, ఇండికేటర్లు లేకపోవడం వల్ల కూడా ప్రమాదాలు జరుగుతున్నాయని ఒక సర్వేలో వెల్లడైంది. బెంగళూరు ట్రాఫిక్ పోలీసులు ఈ సర్వే చేశారు. ఇందులో ఇండికేటర్లు, రియర్ వ్యూ మిర్రర్స్ ఉపయోగించకపోవడం వల్లనే ఎక్కువ టూవీలర్ యాక్సిడెంట్లు జరుగుతున్నాయని వెల్లడైంది.

సెంట్రల్ మోటార్ వెహికల్ యాక్ట్ 1988లోని సెక్షన్ 5, 7 ప్రకారం వెహికల్స్‌కు రియర్ వ్యూ మిర్రర్లు కచ్చితంగా ఉండాల్సిందే. మీరు మీ వెహికల్స్‌కు వీటిని కలిగి లేకపోతే మాత్రం ట్రాఫిక్ పోలీసులు విధించే జరిమానా ఎదుర్కోవలసి వస్తుంది.