ఐపీఎల్ 2021 సీజన్లో ముంబయి ఇండియన్స్ హిట్టర్ సూర్యకుమార్ యాదవ్ వరుసగా రెండో మ్యాచ్లోనూ హిట్టింగ్తో అదరగొట్టేశాడు. కోల్కతా నైట్రైడర్స్తో చెన్నైలోని చెపాక్ స్టేడియం వేదికగా మంగళవారం రాత్రి జరిగిన మ్యాచ్లో సూర్యకుమార్ యాదవ్ (56: 36 బంతుల్లో 7x4, 2x6) హాఫ్ సెంచరీ నమోదు చేశాడు. ఈ క్రమంలో ఫాస్ట్ బౌలర్ పాట్ కమిన్స్ బౌలింగ్లో సూర్యకుమార్ యాదవ్ కొట్టిన 99మీటర్ల సిక్స్ మ్యాచ్కే హైలైట్గా నిలిచింది. టీమ్ డగౌట్ నుంచి ఆ షాట్ చూసిన హార్దిక్ పాండ్యా.. నమ్మలేనట్లు నోరెళ్లబెట్టేశాడు.
ఇన్నింగ్స్ 10వ ఓవర్ వేసిన పాట్ కమిన్స్.. ఆఫ్ స్టంప్ లైన్పై గంటకి 135.1 కిమీ వేగంతో బంతిని సంధించాడు. దాంతో తాను కూడా ఆఫ్ స్టంప్ లైన్పైకి వెళ్లిన సూర్యకుమార్ యాదవ్.. డీప్ స్వ్కేర్ లెగ్ దిశగా బంతిని ప్లిక్ చేశాడు. షాట్ అతను ఆశించిన విధంగా కనెక్ట్ అవడంతో.. ఎక్కువగా ఎత్తులో వెళ్లిన బంతి నేరుగా స్టాండ్స్లో పడింది. ఆ సిక్స్తోనే సూర్యకుమార్ యాదవ్ హాఫ్ సెంచరీ మార్క్ని అందుకోవడం విశేషం.
మ్యాచ్లో ఫస్ట్ బ్యాటింగ్ చేసిన ముంబయి ఇండియన్స్ 152 పరుగులకి ఆలౌటవగా.. లక్ష్యఛేదనలో తడబడిన కోల్కతా నైట్రైడర్స్ 142/7కే పరిమితమైంది. మ్యాచ్లో మొత్తం 6 సిక్సర్లు మాత్రమే నమోదవగా.. ఇందులో రెండు జట్లు చెరో మూడు సిక్సర్లు కొట్టాయి.
SKY! || Deposited it for 99m huge SIX #MI #KKRHaiTaiyaar #MIvsKKR #SuryakumarYadav pic.twitter.com/qZ75OU8Fjx
mdash; Tausif #MI |HBD Karthik amp; Geet | (@iamtausif5) April 13, 2021