రోజుకు రూ.100 ఆదా....చేతికి రూ.10 లక్షలు

     Written by : smtv Desk | Thu, Apr 15, 2021, 12:42 PM

రోజుకు రూ.100 ఆదా....చేతికి రూ.10 లక్షలు

దేశీ అతిపెద్ద ప్రభుత్వ రంగ బీమా కంపెనీ లైఫ్ ఇన్సూరెన్స్ కార్పొరేషన్ LIC ఆఫ్ ఇండియా గురించి ప్రత్యేకంగా చెప్పాల్సిన అవసరం లేదు. ఎల్ఐసీ ఎన్నో రకాల పాలసీలను అందిస్తోంది. వీటిల్లో స్పెషల్ ప్లాన్స్ కూడా ఉన్నాయి. దీని పేరు బీమా జ్యోతి. ఈ పాలసీ తీసుకుంటే పిక్స్‌డ్ ఇన్‌కమ్‌తోపాటు గ్యారంటీ రిటర్న్ లభిస్తుంది.

ఎల్‌ఐసీ బీమా జ్యోతి పాలసీ తీసుకోవడం వల్ల చేతికి రూ.17.5 లక్షలు పొందొచ్చు. కనీసం రూ.లక్ష బీమా మొత్తానికి పాలసీ తీసుకోవాలి. గరిష్ట పరిమితి అంటూ ఏమీ లేదు. 15 నుంచి 20 ఏళ్ల కాల పరిమితితో ఈ పాలసీ తీసుకోవాలి. 15 ఏళ్ల పాలసీ తీసుకుంటే 10 ఏళ్లు ప్రీమియం కట్టాలి. 20 ఏళ్ల పాలసీ తీసుకుంటే 15 ఏళ్లు ప్రీమియం చెల్లించొచ్చు.

ఆన్‌లైన్‌లోనే పాలసీ తీసుకోవచ్చు. 60 ఏళ్లలోపు వయసు కలిగిన వారు పాలసీ తీసుకోవడానికి అర్హులు. మీరు పాలసీ టర్మ్‌కు 5 ఏళ్లు తక్కువ కాలం ప్రీమియం చెల్లించాలి. క్రిటికల్ ఇల్‌నెస్ కవరేజ్ కూడా లభిస్తుంది.

ఉదాహరణకు మీరు ఏడాది వయసు ఉన్న మీ పిల్లల పేరుపై పాలసీ తీసుకున్నారని అనుకుందాం. పాలసీ టర్మ్ 20 ఏళ్లు. 15 ఏళ్లు ప్రీమియం చెల్లించాలి. రూ.5 లక్షల మొత్తానికి పాలసీ తీసుకుంటే నెలకు రూ.3 వేలు (రోజుకు రూ.100 ఆదా చేస్తే చాలు) ప్రీమియం పడుతుంది. మెచ్యూరిటీ కాలంలో చేతికి రూ.10 లక్షలు వస్తాయి.





Untitled Document
Advertisements