వకీల్ సాబ్ లెక్కల విషయంలో దిల్ రాజు సైలెంట్?

     Written by : smtv Desk | Thu, Apr 15, 2021, 02:56 PM

వకీల్ సాబ్ లెక్కల విషయంలో దిల్ రాజు సైలెంట్?

50 రోజులు.. 100 రోజులు.. 150 రోజులు.. 200 రోజులు.. ఏడాది.. సినిమా ఎన్ని ఎక్కువ రోజులు ఆడితే అంత ఘన విజయం సాధించినట్టు. కానీ ఈ మధ్య కాలంలో రోజుల ప్లేస్‌లో కలెక్షన్లు వచ్చి చేరాయి. అంటే ఎన్నిరోజులు ఆడిందన్నది మ్యాటర్ కాదు.. ఎన్ని కోట్లు కలెక్ట్ చేసిందన్నదే విషయం. అందుకే ఈ మధ్య కాలంలో ఏ సినిమా వచ్చిన సాధించిన కలెక్షన్లతో పెద్ద పెద్ద పోస్టర్స్‌ని రిలీజ్ చేస్తున్నారు.

చిన్న చిన్న సినిమాలు కూడా పెద్ద పెద్ద అంకెలతో కలెక్షన్ల పోస్టర్స్‌ని రిలీజ్ చేసి బ్లాక్ బస్టర్ హిట్ అంటూ ప్రమోషన్స్ నిర్వహించుకుంటున్నారు. అయితే పవర్ స్టార్ పవన్ కళ్యాణ్ ‘వకీల్ సాబ్’ చిత్రం బ్లాక్ బస్టర్ హిట్ టాక్ తెచ్చుకుని బాక్సాఫీస్‌ని షేక్ చేస్తుంది. అయితే ఈ కలెక్షన్లకు సంబంధించి నిర్మాత దిల్ రాజు అధికారిక ప్రకటన చేయకపోవడం.. తన సన్నిహితుల్ని లెక్కలు లీక్ చేయొద్దని చెప్పడంతో అసలు వకీల్ సాబ్ ఎంత కలెక్ట్ చేసిందన్న విషయంపై క్లారిటీ రాలేదు.

అయితే తొలి షోతో వకీల్ సాబ్ వేట మొదలుపెట్టగా... వరుసగా ఐదోరోజు సక్సెస్ ఫుల్ రన్ కొనసాగింది. ఇక ఉగాది, అంబేద్కర్ జయంతి వరుస సెలవు దినాలు రావడంతో కలెక్షన్లు పుంజుకున్నాయి. పెట్టిన పెట్టుబడిన తొలి రెండు రోజుల్లోనే రాబట్టిన వకీల్ సాబ్.. బ్రేక్ ఈవెన్‌ సాధించి రూ.100 కోట్ల క్లబ్‌లో చేరినట్టు ట్రేడ్ పండితులు లెక్కలు కడుతున్నారు.

ఇదిలా ఉంటే.. తన సినిమాలకి సంబంధించి ఎప్పటికప్పుడు లెక్కలు బయటకు విడుదల చేసి గొప్పగా చెప్పుకునే దిల్ రాజు.. వకీల్ సాబ్ విషయంలో ఎందుకు మౌనంగా ఉన్నారు.. లెక్కలు లీక్ చేస్తే ఏమౌతుంది?? ఏరోజు ఎంత వచ్చిందనే విషయం బయటకు లీక్ కాకుండా జాగ్రత్తలు తీసుకోవడం వెనుక వ్యూహం ఏమైనా ఉందా? లేదంటే ప్రభుత్వాలను నుంచి ఏదైనా ఇబ్బందులు ఉన్నాయా? అన్నది త్వరలో తేలనుంది.





Untitled Document
Advertisements