తెలుగు యువకుడికి అమెజాన్ బంపరాఫర్...రూ.కోటిన్నర వేతనం

     Written by : smtv Desk | Fri, Apr 16, 2021, 02:37 PM

తెలుగు యువకుడికి అమెజాన్ బంపరాఫర్...రూ.కోటిన్నర వేతనం

ప్రముఖ అంతర్జాతీయ ఈ కామర్స్ సంస్థ అమెజాన్‌లో తెలుగు యువకుడు వివేక్‌ గిర్రెడ్డి(28) సత్తా చాటారు. కోటిన్నర వార్షిక వేతనంతో ఉద్యోగం సాధించి అందరికీ స్ఫూర్తిగా నిలిచారు. ప్రస్తుతం అమెరికాలోని జార్జిటెక్‌ యూనివర్శిటీలో ఎంబీఏ చేస్తున్న వివేక్ అమెజాన్ కంపెనీ నిర్వహించిన క్యాంపస్ ఇంటర్వ్యూలో రూ.1.50కోట్ల వార్షిక వేతనంతో సీనియర్ ఫైనాన్షియల్ ఎనలిస్టుగా ఎంపికయ్యారు. ఈ ఏడాది జూన్‌ 21న సియాటెల్‌లోని ఆ సంస్థ కేంద్ర కార్యాలయంలో విధుల్లో చేరనున్నారు. వివేక్ తల్లిదండ్రులు భానురెడ్డి, జీఎస్‌ రెడ్డి హైదరాబాద్‌లోని శ్రీనగర్‌ కాలనీలో ఉంటున్నారు. వీరి స్వస్థలం ఆంధ్రప్రదేశ్‌లోని తూర్పుగోదావరి జిల్లా కాకినాడ. జీఎస్‌ రెడ్డి సెబీలో జనరల్‌ మేనేజర్‌గా పనిచేసి రిటైర్ అయ్యారు. ప్రస్తుతం ఏపీ కాంగ్రెస్‌ కమిటీ అధికార ప్రతినిధిగా బాధ్యతలు నిర్వర్తిస్తున్నారు. వివేక్‌ లండన్‌ స్కూల్‌ ఆఫ్‌ ఎకనామిక్స్‌, మెక్‌గిల్‌ యూనివర్సిటీలో బీఏ ఎకనామిక్స్‌ అండ్‌ ఫైనాన్స్‌ చదివి బెంగళూరులో మూడేళ్లు ఉద్యోగం చేశారు. ఎంబీఏ చేయాలన్న ఉద్దేశంతో జీమాట్‌ రాసి 94 పర్సంటైల్‌ సాధించారు. అంతకుముందు శాట్‌లో గణితం విభాగంలో 800కు 800 సాధించారు. స్కాలర్‌షిప్ ద్వారా అట్లాంటాలోని జార్జిటెక్‌ యూనివర్శిటీలో రెండేళ్ల ఎంబీఏ(ఫైనాన్స్‌) కోర్సులో చేరారు. తొలి ఏడాది పూర్తయ్యాక అమెజాన్‌ కంపెనీలో 12 వారాల ఇంటర్న్‌షిప్‌ చేశారు. ఎంబీఏ చదివే ప్రతిభావంతులైన విద్యార్థుల వివరాలు ప్రచురించే ‘పొయట్స్‌ అండ్‌ క్వాంట్స్‌’ మేగజైన్‌‌లో గతేడాది వివేక్‌ గురించి కథనం ప్రచురితమైంది.






Untitled Document
Advertisements