కొత్త స్కూటర్ కొనాలా? నెలకు రూ.2 వేలు కడితే చాలు

Written by : smtv Desk | Fri, Apr 16, 2021, 04:38 PM

కొత్తగా టూవీలర్ కొనుగోలు చేయాలని భావిస్తున్నారా? అందులో కూడా బైక్ కాకుండా స్కూటర్ కొంటే మంచిదని యోచిస్తున్నారా? అయితే మీకు ఒక అదిరిపోయే ఆప్షన్ అందుబాటులో ఉంది. స్కూటర్ కొనుగోలుపై తక్కువ ఈఎంఐ వెసులుబాటు లభిస్తోంది. దీంతో తక్కువ ఈఎంఐతోనే అదిరిపోయే స్కూటర్ ఇంటికి తీసుకెళ్లొచ్చు.

టీవీఎస్ మోటార్ కంపెనీ తన పాపులర్ ఎన్‌టార్క్ స్కూటర్ మోడల్‌పై అదిరిపోయే ఫైనాన్స్ ఆప్షన్లు అందిస్తోంది. కంపెనీ వెబ్‌సైట్ ప్రకారం.. మీరు రూ.11,999 డౌన్ పేమెంట్ చెల్లించి ఈ స్కూటర్ ఇంటికి తీసుకెళ్లొచ్చు. అంతేకాకుండా ఈ స్కూటర్‌పై ఈఎంఐ రూ.2,100 నుంచి ప్రారంభమౌతోంది.

ఈ స్కూటర్ ధర రూ.80 వేల వరకు ఉంది. ఇది ఎక్స్‌షోరూమ్ రేటు. అదే ఆన్‌రోడ్ తీసుకుంటే రూ.లక్ష వరకు పడుతుంది. ఈ స్కూటర్‌లో మూడు వేరియంట్లు ఉన్నాయి డ్రమ్, డిస్క్, రేస్ ఎడిషన్ అనేవి ఈ మూడు వేరియంట్లు. వీటిల్లో మీకు నచ్చిన వేరియంట్ కొనొచ్చు.

దేశీ తొలి బ్లూటూత్ ఫెసిలిటీ కలిగిన స్కూటర్ ఇదే. మీరు మీ స్మార్ట్‌‌ఫోన్‌తో ఈ స్కూటర్‌తో కనెక్ట్ అయ్యి ఉండొచ్చు. స్మార్ట్‌ఎక్స్‌కనెక్ట్ అనే ఆప్షన్ ద్వారా ఈ ఫీచర్ పొందొచ్చు. ఎల్‌ఈడీ హెడ్‌ల్యాంప్స్, డిజిటల్ కన్సోల్, హజార్డ్ లైట్ స్విచ్ వంటి పలు ప్రత్యేకతలు ఈ స్కూటర్‌లో ఉన్నాయి. ఇందులో 125 సీసీ ఇంజిన్ ఉంటుంది.