సర్వీసులకు దిగ్గజ బ్యాంక్ బై బై....కస్టమర్ల సంగతేంటి?

     Written by : smtv Desk | Fri, Apr 16, 2021, 04:58 PM

సర్వీసులకు దిగ్గజ బ్యాంక్ బై బై....కస్టమర్ల సంగతేంటి?

దిగ్గజ గ్లోబల్ బ్యాంకుల్లో ఒకటైన సిటీ బ్యాంక్ షాకింగ్ నిర్ణయం తీసుకుంది. ఎవ్వరూ ఊహించని విధంగా భారత కార్యకలాపాలకు స్వస్తి పలుకుతున్నట్లు తెలుస్తోంది. సిటీ బ్యాంక్ ఇండియాలో కన్సూమర్ బిజినెస్‌ నుంచి తప్పుకోనున్నట్లు నివేదికలు వెలువడుతున్నాయి.

13 మార్కెట్లలో గ్లోబల్ బిజినెస్ స్ట్రాటజీలో భాగంగా ఈ నిర్ణయం తీసుకున్నట్లు సిటీ బ్యాంక్ తెలిపిందని నివేదికలు పేర్కొంటున్నాయి. అయితే ప్రస్తుతం బ్యాంక్ ఖాతాదారులపై, సిబ్బందిపై ఎలాంటి ప్రతికూల ప్రభావం ఉండదని తెలుస్తోంది. సిటీ బ్యాంక్ తన భారత కార్యకలాపాలను కొనుగోలు చేసే వారి కోసం చూస్తున్నట్లు తెలుస్తోంది.

అమెరికాకు చెందిన మల్టీనేషనల్ ఇన్వెస్ట్‌మెంట్ బ్యాంక్, ఫైనాన్షియల్ సర్వీసెస్ కంపెనీ అయిన సిటీ గ్రూప్ 13 దేశాల్లో కన్యూమర్ లేదా రిటైల్ బిజినెస్ నుంచి తప్పుకుంటోంది. ఇందులో చైనా, భారత్ కూడా ఉన్నాయ. అయితే హోల్‌సెల్ బిజినెస్‌ కొనసాగుతుందని నివేదికలు పేర్కొంటున్నాయి.

2020 మార్చి నాటికి సిటీ బ్యాంక్‌కు 29 లక్షల మంది రిటైల్ కస్టమర్లు ఉన్నారు. 12 లక్షల బ్యాంక్ అకౌంట్లు ఉన్నాయి. 22 లక్షల క్రెడిట్ కార్డు అకౌంట్లు ఉన్నాయి. సిటీ బ్యాంక్‌కు దేశవ్యాప్తంగా ప్రధాన పట్టణాల్లో బ్రాంచులు ఉన్నాయి. వీటిల్లో 19 వేలకు పైగా ఉద్యోగులు పని చేస్తున్నారు. ఇకపోతే కోటక్ మహీంద్రా బ్యాంక్ సిటీ బ్యాంక్ రిటైల్ బిజినెస్‌ను కొనుగోలు చేసే ఛాన్స్ ఉందని నివేదికలు వెలువడుతున్నాయి.





Untitled Document
Advertisements