PBKS vs CSK: టాస్ గెలిచి ఫీల్డింగ్ ఎంచుకున్న చెన్నై

     Written by : smtv Desk | Fri, Apr 16, 2021, 07:44 PM

PBKS vs CSK: టాస్  గెలిచి ఫీల్డింగ్ ఎంచుకున్న చెన్నై

ఐపీఎల్ 2021 సీజన్‌లో భాగంగా పంజాబ్ కింగ్స్‌తో ముంబయిలోని వాంఖడే స్టేడియం వేదికగా శుక్రవారం జరుగుతున్న మ్యాచ్‌లో టాస్ గెలిచిన చెన్నై సూపర్ కింగ్స్ కెప్టెన్ మహేంద్రసింగ్ ధోనీ ఫీల్డింగ్ ఎంచుకున్నాడు. చెన్నై తుది జట్టులో కెప్టెన్ ధోనీ ఎలాంటి మార్పులు చేయలేదు. మరోవైపు పంజాబ్ జట్టులోనూ కెప్టెన్ కేఎల్ రాహుల్ ఎలాంటి మార్పులు చేయకపోవడం గమనార్హం.

వాంఖడే వేదికగా గత శనివారం ఢిల్లీ క్యాపిటల్స్‌తో జరిగిన మ్యాచ్‌లో 7 వికెట్ల తేడాతో చెన్నై సూపర్ కింగ్స్ పరాజయాన్ని చవిచూసింది. అలానే గత సోమవారం వాంఖడేలోనే జరిగిన మ్యాచ్‌లో రాజస్థాన్‌ రాయల్స్‌పై 4 పరుగుల తేడాతో పంజాబ్ కింగ్స్ విజయం సాధించింది. తాజా సీజన్‌లో వాంఖడే వేదికగా ఇప్పటి వరకూ మూడు మ్యాచ్‌లు జరగగా.. ఇందులో రెండు మ్యాచ్‌ల్లో ఛేదనకు దిగిన జట్టే విజయం సాధించింది. ఫస్ట్ బ్యాటింగ్ చేసిన జట్టు ఒకసారి మాత్రమే గెలుపొందగా.. అది కూడా పంజాబ్ జట్టే కావడం విశేషం.

రికార్డుల్ని ఓసారి పరిశీలిస్తే..? ఇప్పటి వరకూ ఐపీఎల్‌లో 23 మ్యాచ్‌ల్లో పంజాబ్, చెన్నై జట్లు తలపడ్డాయి. ఇందులో 14 మ్యాచ్‌ల్లో చెన్నై సూపర్ కింగ్స్ టీమ్ విజయం సాధించగా.. మిగిలిన 9 మ్యాచ్‌ల్లో పంజాబ్ టీమ్ గెలుపొందింది. ఇక ఈ రెండు జట్లు తలపడినప్పుడు గతంలో భారీ స్కోర్లు నమోదయ్యాయి. పంజాబ్‌పై చెన్నై టీమ్ ఇప్పటి వరకూ చేసిన అత్యధిక స్కోరు 240 పరుగులుకాగా.. చెన్నైపై పంజాబ్ చేసిన అత్యధిక స్కోరు 231 పరుగులు.


Chennai Super Kings (Playing XI): Ruturaj Gaikwad, Faf du Plessis, Suresh Raina, Moeen Ali, Ambati Rayudu, MS Dhoni(w/c), Ravindra Jadeja, Sam Curran, Dwayne Bravo, Shardul Thakur, Deepak Chahar

Punjab Kings (Playing XI): KL Rahul(w/c), Mayank Agarwal, Chris Gayle, Deepak Hooda, Nicholas Pooran, Shahrukh Khan, Jhye Richardson, Murugan Ashwin, Riley Meredith, Mohammed Shami, Arshdeep Singh





Untitled Document
Advertisements