ఫేషియల్ కోసం క్లినిక్‌కి వెళితే ముఖాన్నే మార్చేసిన డాక్టర్...హీరోయిన్ కి చేదు అనుభవం

     Written by : smtv Desk | Mon, Apr 19, 2021, 11:39 AM

ఫేషియల్ కోసం క్లినిక్‌కి వెళితే ముఖాన్నే మార్చేసిన డాక్టర్...హీరోయిన్ కి చేదు అనుభవం

హీరోయిన్స్ అన్నాక బ్యూటిఫుల్ ఫేస్, దానికి తగ్గ శరీరాకృతి ఉండాల్సిందే. అప్పుడే వెండితెరపై రాణించగలరు. అందుకే అందం పట్ల ప్రత్యేక శ్రద్ధ తీసుకుంటూ రెగ్యులర్‌గా బ్యూటీ పార్లర్స్ వెళ్తుంటారు హీరోయిన్స్. కొందరు మాత్రం స్కిన్ కేర్ స్పెషలిస్టుల పర్యవేక్షణలో తమ అందాన్ని కాపాడుకుంటూ ఉంటారు. ఈ క్రమంలోనే ఓ హీరోయిన్ స్కిన్ కేర్ స్పెషలిస్టును సంప్రదించగా ఆ డాక్టర్ చేసిన పనికి సీన్ రివర్స్ అయింది. ఆ డాక్టర్ చేసిన వైద్యంతో అందమైన ముఖం కాస్తా అందవిహీనంగా తయారైంది.

తమిళ్ బిగ్‌బాస్ మాజీ కంటెస్టెంట్, యాక్ట్రెస్ రైజా విల్సన్‌కు ఈ చేదు అనుభవం ఎదురైంది. సాధారణ ఫేషియల్‌ కోసం దగ్గర్లోని ఓ క్లినిక్‌కి వెళ్లిన ఆమెపై మహిళా డాక్టర్‌ భైరవి కొత్త ప్రయోగం చేయడంతో ఆ వైద్యం వికటించి అందమైన ముఖం కాస్తా అందవిహీనంగా మారింది. అయితే తన అభ్యంతరాలను పట్టించుకోకుండా బలవంతంగా ఆ డాక్టర్ వైద్యం చేశారని పేర్కొంటూ సోషల్ మీడియా వేదికగా ఆవేదన వెళ్లగక్కిన రైజా విల్సన్‌.. ఇప్పుడు తన ఫేస్ ఎలా తయారైందో చూపిస్తూ పిక్ షేర్ చేసింది.ఎంత చెప్పినా వినకుండా డాక్టర్ చేసిన పని వల్ల తన కంటి కింద ఇలా వాచిపోయి, కమిలిపోయిందని.. ముఖం మొత్తం నల్లగా మారిపోయిందని తెలుపుతూ రైజా విల్సన్ తన ఇన్‌స్టాగ్రామ్‌లో పోస్ట్ పెట్టింది. మీరు చేసిన వైద్యం వల్ల ఇలా జరిగిందని చెప్పేందుకు ఆ డాక్టర్‌కు ఫోన్ చేస్తే స్పందించడం లేదని, ఆమె సిబ్బందిని అడిగితే ఊర్లో లేరనే సమాధానం ఇస్తున్నారని తెలుపుతూ ఆవేదన చెందింది.ఆ వెంటనే మరో పోస్ట్ పెట్టిన రైజా విల్సన్.. సదరు డాక్టర్ దగ్గరకు వెళితే తమకు కూడా ఇలానే జరిగిందని చాలామంది మెసేజ్ చేస్తున్నట్లు తెలిపింది. ఈ మేరకు తనకు కొందరు పంపిన మెసేజ్‌లను స్క్రీన్ షాట్‌ తీసి రైజా విల్సన్ నెటిజన్లకు చూపించింది రైజా. 2017లో 'వెలయ్యిలా పట్టధారి 2' సినిమాలో ఓ చిన్నపాత్రతో తమిళ ఇండస్ట్రీకి పరిచయమైన రైజా.. 'ప్యార్ ప్రేమ్ కాదల్' సినిమాతో హీరోయిన్‌గా మారింది. తమిళ బిగ్ బాస్‌లో పాల్గొని ఫేమస్ అయింది.





Untitled Document
Advertisements