పది ఎకరాల విస్తీర్ణంలో కోల్‌‌కతా సెట్‌

     Written by : smtv Desk | Mon, Apr 19, 2021, 12:46 PM

పది ఎకరాల విస్తీర్ణంలో కోల్‌‌కతా సెట్‌

న్యాచురల్ స్టార్ నాని సినిమా అంటే మినిమమ్ ఎంటర్‌టైన్‌మెంట్ ఉంటుంది. తొలి సినిమా ‘అష్టాచమ్మా’ నుంచి రీసెంట్‌గా విడుదలైన ‘వి’ వరకూ వైవిధ్యమైన పాత్రలు చేస్తూ.. ప్రేక్షకులను ఆకట్టుకుంటున్నాడు నాని. హిట్, ఫ్లాప్‌లతో సంబంధం లేకుండా అన్ని వర్గాల ప్రేక్షకులకు నచ్చే సినిమాలు చేస్తుంటాడు. ‘వి’ సినిమాలో నెగిటివ్ పాత్రలో అద్భుతమైన విలనిజం పండించిన నాని.. త్వరలో ‘టక్ జగదీశ్’గా ప్రేక్షకుల ముందుకు రానున్నాడు.

టక్ జగదీశ్ తర్వాత నాని చేస్తున్న చిత్రం ‘శ్యామ్ సింగరాయ్’. సాయి పల్లవి, కృతి శెట్టి, మడోనా సెబాస్టియన్లు హీరోయిన్లుగా నటిస్తున్న ఈ సినిమాకి రాహుల్ సాంకృత్యన్ డైరక్షన్ వహిస్తున్నాడు. డిఫెరంట్ కథాంశంతో రూపొందుతున్న ఈ సినిమా షూటింగ్ శరవేగంగా జరుగుతోంది. ఇప్పటికే విడుదలైన సినిమా ఫస్ట్‌లుక్ ప్రేక్షకులను విశేషంగా ఆకట్టుకుంది. కాగా, ఈ సినిమా షూటింగ్ ఆఖరి షెడ్యూల్ ప్రస్తుతం హైదరాబాద్‌లోనే జరుగుతుంది. అయితే కోల్‌కతా బ్యాక్‌డ్రాప్‌లో రూపొందుతున్న సినిమా కావడంతో హైదరాబాద్‌లోనే కోల్‌కతా సెట్ నిర్మించాడట ఆర్ట్ డైరెక్టర్ అవినాశ్ కొల్ల.

దాదాపు పది ఎకరాల విస్తీర్ణంలో రూ.6.5 కోట్ల బడ్జెట్‌తో రూపొందించిన ఈ భారీ సెట్ చూస్తే.. కోల్‌కతా హైదరాబాద్‌కు వచ్చిందా అని అనిపిస్తుందట. ఈ భారీ సెట్‌లో ప్రధాన తారగణంతో ఆఖరి షెడ్యూల్‌ని షూటింగ్ చేస్తున్నారు. ఈ షెడ్యూల్ పూర్తైన తర్వాత సినిమా పోస్ట్ ప్రొడక్షన్ పనులు ప్రారంభం అవుతాయి. నిహారిక ఎంటర్‌టైన్‌మెంట్ బ్యానర్‌పై వెంకట్ బోయినపల్లి నిర్మిస్తున్న ఈ సినిమాకి మిక్కీ జే మేయర్ సంగీతం అందిస్తున్నారు. సత్యదేవ్ జంగా కథ సమకూర్చిన ఈ శ్యామ్ సింగరాయ్ నాని కెరీర్‌లోనే ఇప్పటివరకూ భారీ బడ్జెట్ చిత్రంగా నిలుస్తోంది.





Untitled Document
Advertisements