నెలకు రూ.1,500 కడితే కోటీశ్వరులయ్యే ఛాన్స్

Written by : smtv Desk | Mon, Apr 19, 2021, 03:50 PM

మీరు తొందరగా రిటైర్మెంట్ తీసుకోవాలని యోచిస్తున్నారా? అది కూడా 40 ఏళ్లకే పదవీ విరమణ చేయాలని ప్లాన్ చేస్తున్నారా? రిటైర్మెంట్ అయ్యే సమయానికి కోటీశ్వరులు కావాలని భావిస్తున్నారా? అయితే మీకోసం ఒక ఆప్షన్ అందుబాటులో ఉంది.

మ్యూచువల్ ఫండ్స్‌లో ఇన్వెస్ట్ చేయడం ద్వారా కోటీశ్వరులు కావొచ్చు. ఇతర ఇన్వెస్ట్‌మెంట్ సాధనాలతో పోలిస్తే మ్యూచువల్ ఫండ్స్ మంచి రాబడి అదిస్తాయని ఇన్వెస్ట్‌మెంట్ నిపుణులు పేర్కొంటున్నారు. అందువల్ల మ్యూచువల్ ఫండ్స్‌లో సిప్ రూపంలో ఇన్వెస్ట్ చేస్తే మంచి రాబడి సొంతం చేసుకోవచ్చు.

కోటీశ్వరులు కావాలని భావిస్తే.. ముందుగా చేయాల్సిన పని ఒకటుంది. ముందుగానే ఇన్వెస్ట్ చేయడం. 20 ఏళ్ల వయసులో ఉన్న వ్యక్తి నెలకు రూ.1,581 ఇన్వెస్ట్ చేస్తే కోటీశ్వరులు కావొచ్చు. 60 ఏళ్ల రిటైర్మెంట్ కల్లా రూ.కోటి గడించొచ్చు. ఇక్కడ 10 శాతం రాబడిని పరిగణలోకి తీసుకున్నాం.

అదే మీరు ప్రతి ఏడాది సిప్ అమౌంట్‌ను 10 శాతం చొప్పున పెంచుకుంటూ వెలితే.. అప్పుడు మీరు 40 ఏళ్లకే కోటీశ్వరులు కావొచ్చు. ప్రతి ఏడాది శాలరీ పెరుగుంది కాదా.. ఈ పెరిగిన డ బ్బును సిప్ రూపంలో ఇన్వెస్ట్ చేస్తూ వెలితే సరిపోతుంది. 40 ఏళ్లకే కోటీశ్వరులు కావొచ్చు.

10 శాతం రాబడి ప్రకారం చూస్తే.. నెలకు రూ.13 వేలు ఇన్వెస్ట్ చేస్తే 40 ఏళ్లు వచ్చే సరికి కోటీశ్వరులు కావొచ్చు. అదే 15 శాతం రాబడి ప్రకారం చూస్తే నెలకు రూ.6,600 కట్టాలి. అదే మీరు నెలకు రూ.5000 సిప్ చేస్తే.. 13 శాతం రాబడి అంచనా ప్రకారం అయితే 25 ఏళ్లలో కోటీశ్వరులు కావొచ్చు.