"లవ్ మ్యారేజ్ కంటే అరేంజ్డ్ మ్యారేజ్ బెటర్"

Written by : smtv Desk | Mon, Apr 19, 2021, 06:17 PM

అసలు పెళ్లి చేసుకోవడమే వేస్ట్.. నేను పెళ్లి చేసుకుని తప్పుచేశా.. దయచేసి ఎవరూ పెళ్లి చేసుకోవద్దని పదే పదే చెప్పే రామ్ గోపాల్ వర్మ.. లవ్ మ్యారేజ్ కంటే అరేంజ్డ్ మ్యారేజ్ బెటర్ అంటున్నారు. ప్రేమ, పెళ్లి, ఫ్యామిలీ అంటే అస్సలు గిట్టని వర్మ తాజాగా పెద్దలు కుదిర్చిన వివాహం ద్వారా ఎలాంటి అడ్వాంటేజ్‌ ఉంటుందో చెప్పుకొచ్చారు. ‘లవ్ మ్యారేజ్ అయినా.. అరేంజ్డ్ మ్యారేజ్ అయినా దానంత బుద్దితక్కువ పని ఇంకోటి ఉండదు. ఇంకా చెప్పాలంటే.. లవ్ మ్యారేజ్ కంటే అరేంజ్డ్ మ్యారేజ్ కాస్త బెటర్.. ఎందుకంటే ఎక్స్‌పెక్టేషన్స్ తక్కువ ఉంటాయి. లవ్ మ్యారేజ్‌లో అయితే పెళ్లికి ముందే రకరకాల బిల్డప్‌లు ఇచ్చుకుంటారు ఒకరికి కొకరు. నీ కోసం అది చేస్తా ఇది చేస్తా.. నువ్ లేకపోతే బతకలేను అదీ ఇదీ అని చెప్తారు. వాస్తవంలోకి వచ్చిన తరువాత ప్లాబ్లమ్స్ మొదలౌతాయి. ఇచ్చిన మాటని నిలబెట్టుకోలేనప్పుడు ఫ్రస్ట్రేషన్స్ మొదలౌతాయి. కానీ ఎరేంజ్డ్ మ్యారేజ్‌లో కొంతవరకూ ఇబ్బంది ఉండదు. ఫ్యామిలీ, డబ్బు, బ్యాగ్రౌండ్ ఇవన్నీ చూసి పెళ్లి చేసుకుంటారు కాబట్టి.. పెద్దగా ఇబ్బంది ఉండదు. నేను కరోనా లాంటోడిని.. పెళ్లి ఎందుకు వద్దంటున్నానో పెళ్లైన వాడిని అడిగితే తెలుస్తుంది. నిప్పు పట్టుకుంటే కాలుతుందని పట్టుకుంటే కానీ తెలియదు చిన్నప్పుడు. నిప్పు చాలా అందంగా ఉందని పట్టుకుంటే కాలిపోద్ది.
చాలామంది అమ్మాయిలు అమ్మాయిల్లా ఉంటే చాలా అందంగా ఉంటారు. కానీ వాళ్లు అలా ఉండరు. పెళ్లి చేసుకుని ఇల్లాలు అవుతున్నారు. హంస హంసలాగే ఉండాలి. అమ్మాయి కూడా అంతే. నేను ఇష్టపడే అమ్మాయిలు అమ్మాయిగా ఉంటే చాలు.. అలాంటి వాళ్లనే నేను ఇష్టపడుతుంటా’ అంటూ చెప్పుకొచ్చారు ఆర్జీవీ.