ఒడిశా వెళ్లేవారికి షాకింగ్ న్యూస్

     Written by : smtv Desk | Thu, May 06, 2021, 05:38 PM

ఒడిశా వెళ్లేవారికి షాకింగ్ న్యూస్

కొవిడ్‌ రెండో దశ కేసుల తీవ్రతను దృష్టిలో ఉంచుకొని ఒడిశా ప్రభుత్వం ఎప్పటికప్పుడు కఠిన నిర్ణయాలు అమల్లోకి తెస్తోంది. ఇప్పటికే రెండు వారాల పాటు లాక్‌డౌన్‌కు పిలుపునిచ్చిన ప్రభుత్వం తాజాగా మరో షాకింగ్ నిర్ణయం తీసుకుంది. తెలుగు రాష్ట్రాల (ఆంధ్రప్రదేశ్, తెలంగాణ) నుంచి రాష్ట్రానికి తిరిగొచ్చే వారు 14 రోజుల పాటు క్వారంటైన్‌లో ఉండాల్సిందేనని తేల్చి చెప్పింది. అన్ని సరిహద్దు ప్రాంతాల్లో చెక్‌పోస్టులు తప్పనిసరిగా ఏర్పాటు చేయాలని ఆరు జిల్లాల కలెక్టర్లకు ఆదేశాలు జారీచేసింది.

సొంత వాహనాలు, అద్దె వాహనాలు, రైళ్లు, విమానాల్లో తెలుగు రాష్ట్రాల నుంచి ఒడిశాకు వచ్చేవారు 14 రోజుల పాటు క్వారంటైన్‌లో ఉండాల్సిందేనని ప్రభుత్వ ముఖ్య కార్యిదర్శి సురేష్‌ చంద్ర మహాపాత్ర్‌ స్పష్టం చేశారు. ఆ దిశగా పర్యవేక్షించాలని రాయగడ, గజపతి, కొరాపుట్‌ మల్కాన్‌గిరి, నవరంగపూర్, గంజాం జిల్లా కలెక్టర్లకు సూచించారు. అంతర్రాష్ట్ర రహదారులతో పాటు నేషనల్ హైవేలు, రాష్ట్రంలోని రహదారుల్లోనూ సరిహద్దు ప్రాంతాల వద్ద చెక్‌పోస్టులు తప్పనిసరి చేయాలని ఉత్తర్వుల్లో ఆయన పేర్కొన్నారు. ఒడిశా మీదుగా ఏపీ, తెలంగాణ నుంచి ఇతర రాష్ట్రాలకు వేళ్లేవారికి షరతుల నుంచి మినహాయింపు ఉంటుందని స్పష్టం చేశారు.





Untitled Document
Advertisements