బంగారం కొనే వారికి తీపికబురు...పడిపోయిన ధరలు

Written by : smtv Desk | Thu, Jun 17, 2021, 12:34 PM

బంగారం కొనుగోలు చేయాలని ఆలోచిస్తున్నారా? అయితే మీకు శుభవార్త. పసిడి రేటు భారీగా పడిపోయింది. అంతర్జాతీయ మార్కెట్‌లో బంగారం ధర దిగిరావడంతో దేశీ మార్కెట్‌లోనూ ఇదే ట్రెండ్ కొనసాగింది. బంగారం రేటు పడిపోయింది. బంగారం ధర బాటలోనే వెండి కూడా నడిచింది.

ఎంసీఎక్స్ మార్కెట్‌లో గోల్డ్ ఫ్యూచర్స్ ధర భారీగా తగ్గింది. గురు వారం బంగారం ధర రూ.750కు పైగా పడిపోయింది. దీంతో 10 గ్రాముల బంగారం ధర రూ.47,740కు దిగొచ్చింది. బంగారం ధర బాటలోనే వెండి రేటు కూడా నడిచింది. వెండి ధర ఏకంగా 1.62 శాతం పడిపోయింది. కేజీకి రూ.1115 తగ్గుదలతో రూ.70,316కు దిగొచ్చింది.

అంతర్జాతీయ మార్కెట్‌లో బంగారం ధర భారీగా తగ్గింది. అమెరికా ఫెడరల్ రిజర్వు కీలక సంకేతాల కారణంగా బంగారం ధర పడిపోయింది. వడ్డీ రేట్లను అంచనాల కన్నా ముందుగానే పెంచుతామని అమెరికా ఫెడరల్ రిజర్వు సంకేతాలిచ్చింది. దీంతో బంగారం ధర పతనమైంది. ఫెడ్ సంకేతాల కారణంగా అమెరికా డాలర్ రెండు నెలల గరిష్టాన్ని తాకింది. దీంతో బంగారం ధరపై ప్రతికూల ప్రభావం పడింది.

అంతర్జాతీయ మార్కెట్‌లో బంగారం ధర భారీగా తగ్గింది. ఏకంగా 2 శాతానికి పైగా పతనమైంది. ఔన్స్ బంగారం ధర 1823 డాలర్లకు దిగొచ్చింది. బంగారం ధర బాటలోనే వెండి రేటు కూడా నడిచింది. వెండి ధర 2.18 శాతం తగ్గుదలతో ఔన్స్‌కు 27 డాలర్లకు క్షీణించింది.