ఎల్‌ఐసీ తీపికబురు...రూ.10 వేల లిమిట్‌తో గిఫ్ట్ కార్డుల ఆవిష్కరణ

Written by : smtv Desk | Thu, Jun 17, 2021, 12:40 PM

ఎల్‌ఐసీ కార్డ్స్ సర్వీసెస్ తాజాగా తీపికబురు అందించింది. కాంటాక్ట్‌లెస్ ప్రిపెయిడ్ గిఫ్ట్ కార్డులను అందుబాటులోకి తీసుకువచ్చింది. ఐడీబీఐ బ్యాంక్ భాగస్వామ్యంతో ఎల్‌ఐసీ ఈ గిఫ్ట్ ‌కార్డులను ఆవిష్కరించింది. రూపే ప్లాట్‌ఫామ్‌పై ఈ కార్డులను తీసుకువచ్చింది.

ఇగిఫ్ట్ కార్డ్స్ బిజినెస్‌లో ఎంట్రీ ఇవ్వాలనే లక్ష్యంతో ఎల్‌ఐసీ ఈ గిఫ్ట్ కార్డులను లాంచ్ చేసింది. అంతేకాకుండా క్యాష్‌ లెస్ ట్రాన్సాక్షన్లను ప్రమోట్ చేయాలని కంపెనీ భావిస్తోంది. అందుకే ప్రిపెయిడ్ గిఫ్ట్ కార్డులను తీసుకువచ్చింది. దీని పేరు షాగున్ కార్డు.

తొలి దశలో ఈ ప్రిపెయిడ్ గిఫ్ట్ కార్డులు ఎల్‌ఐసీ, ఎల్‌ఐసీ అనుబంధ సంస్థలకు చెందిన అధికారులకు మాత్రమే అందుబాటులో ఉంటాయి. ఈ కార్డు కలిగిన వారు రూ.500 నుంచి రూ.10 వేల వరకు మొత్తాన్ని లోడ్ చేసుకోవచ్చు. ఈ కార్డు వాలిడిటీ మూడేళ్లు.

మర్చంట్ ఔట్‌లెట్స్, ఈ కామర్స్ వెబ్‌సైట్స్ వంటి వాటిల్లో ఈ కార్డును ఉపయోగించొచ్చు. డిపార్ట్‌మెంటల్ స్టోర్స్, పెట్రోల్ పంపులు, రెస్టారెంట్లు, జువెలరీ స్టోర్లు, అప్పరెల్ స్టోర్స్ వంటి పలు రకాల షాపుల్లో మీరు దేశవాప్తంగా ఎక్కడైనా ఈ కార్డు ద్వారా లావాదేవీలు నిర్వహించొచ్చు. యుటిలిటీ బిల్లులు కూడా చెల్లించొచ్చు.