Advertisements

Untitled Document

Untitled Document

టీ20 వ‌ర‌ల్డ్‌క‌ప్‌: పాకిస్థాన్‌తో భార‌త్‌ మ్యాచ్ పై మండిప‌డ్డ అస‌దుద్దీన్ ఒవైసీ!

     Written by : smtv Desk | Tue, Oct 19, 2021, 12:38 PM

టీ20 వ‌ర‌ల్డ్‌క‌ప్‌: పాకిస్థాన్‌తో భార‌త్‌ మ్యాచ్ పై మండిప‌డ్డ అస‌దుద్దీన్ ఒవైసీ!

ఈ నెల 24న భార‌త్‌, పాకిస్థాన్ క్రికెట్ జ‌ట్ల‌ మ‌ధ్య టీ20 వ‌ర‌ల్డ్‌క‌ప్‌ మ్యాచ్ జ‌ర‌గ‌నున్న విష‌యం తెలిసిందే. దీనిపై ఎంఐఎం అధినేత‌ నేత అస‌దుద్దీన్ ఒవైసీ మండిప‌డ్డారు. క‌శ్మీర్‌లో ఇటీవ‌ల‌ జ‌రిగిన ఉగ్ర‌వాద దాడుల్లో తొమ్మిది మంది భార‌త జ‌వాన్లు ప్రాణాలు కోల్పోయార‌ని ఆయ‌న చెప్పారు.
ఓ వైపు పాక్ ప్రోత్సాహంతో చెల‌రేగిపోతోన్న ఉగ్ర‌వాదం వ‌ల్ల మ‌న సైనికులు ప్రాణాలు కోల్పోతుంటే, మ‌రోవైపు టీ20 వ‌ర‌ల్డ్‌క‌ప్‌లో పాకిస్థాన్‌తో భార‌త్‌ మ్యాచ్ ఆడుతుంద‌ని ఆయ‌న అభ్యంత‌రాలు వ్య‌క్తం చేశారు. క‌శ్మీర్‌లో ఉగ్ర‌వాదాన్ని అణిచివేయ‌డంలో కేంద్ర స‌ర్కారు విఫ‌ల‌మైంద‌ని అన్నారు.
చైనాను ఎదుర్కోవ‌డంలోనూ మోదీ స‌ర్కారు స‌మ‌ర్థంగా ప‌నిచేయ‌ట్లేద‌ని చెప్పారు. రెండు అంశాల‌పై ప్ర‌ధాని మోదీ స్పందించడం లేద‌ని ఆయ‌న చెప్పారు. పెట్రోల్‌, డీజిల్ ధ‌ర‌లు లీట‌రుకి రూ.100 దాటినా స్పందించ‌డం లేద‌ని, అలాగే, స‌రిహ‌ద్దుల్లో చైనా కూడా మ‌న భూభాగంలోకి ప్ర‌వేశిస్తోంద‌ని దీనిపై కూడా మోదీ స్పందించ‌డం లేద‌ని ఆయ‌న విమ‌ర్శించారు. మ‌న భూభాగాల్లోకి చైనా సైనికులు దూసుకువస్తున్నార‌ని కేంద్ర ప్ర‌భుత్వం ఏమీ చేయ‌లేక‌పోతోంద‌ని ఆరోపించారు.




Untitled Document
Advertisements