ఇలా చేస్తే చలికాలంలోను నిగారింపు మీసొంతం!

Written by : smtv Desk | Tue, Nov 02, 2021, 03:15 PM

చలికాలంలో చర్మానికి ఎన్నో రకాల ఇబ్బందులు వస్తాయి. పెదవులు పగలడం, ముఖం పొడిబారిపోవడం, చేతులు కాళ్లు పగిలి గరుకుగా తయారవడం వంటివి జరుగుతూ ఉంటాయి. చలికాలంలో చర్మాన్ని రక్షించుకోవడానికి కొన్ని మార్గాలు పాటించక తప్పదు. అయితే అవేంటో చూద్దాం..
* మామూలుగా ఆయిల్, నార్మల్, డ్రైస్కిన్ అని మూడు రకాలుగా చర్మం ఉంటుంది. ఎవరి చర్మతత్వానికి తగ్గట్టుగా వారు జాగ్రత్తలు తీసుకుంటే మంచిది.
* ఆయిల్ స్కిన్ వాళ్లకి ఉదయం నిద్రలేవగానే చర్మం టైట్ గా అనిపించి పొడిబారినట్లు ఉంటుంది. అలాంటప్పుడు నాన్ ఆయిలీ మాయిశ్చరైజర్ వాడాలి. వీరు నూనెతో కూడిన ఏ పదార్థం ముఖానికి పట్టించకూడదు. అలాగే సున్నిపిండి, శెనగపిండి స్నానానికి వాడాలి.
* చలికాలంలో చిన్న పెద్దా అందరూ కూడా మాయిశ్చరైజర్, నరిషింగ్ క్రీమ్ వాడితే చర్మం మెత్తగా ఉంటుంది.
* ఈ కాలంలో వేడి నీళ్ళు పోసుకోవాలి అనిపించినా గోరువెచ్చని నీటితో స్నానం చేస్తే మంచిది. వీడి మీరు గనక స్నానానికి ఉపయోగిస్తే చర్మానికి హాని జరిగే అవకాశం ఉంది.
* రోజు రాత్రి మాయిశ్చరైజర్ అప్లై చేసి ఉదయాన్నే స్నానం చేస్తే శరీర లావణ్యం చెక్కుచెదరదు.
* చలికాలంలో కోల్డ్ క్రీమ్ వాడటమే ఉత్తమం. పౌడర్లు వేరే బ్యూటీ క్రీమ్ లు తగ్గించాలి.
* ప్రతిరోజూ రాత్రి పడుకునే ముందు పెదవులపై వెన్న అప్లై చేస్తే పెదవులు పగలవు. పైగా మృదువుగా మారతాయి.
* పొలం దుస్తువులు వాడితే చర్మం చలికి ఎక్స్పోజ్ కాకపోవడమే కాక జలుబు, చల్లటి గాలికి వచ్చే తలనొప్పి వంటివి రాకుండా ఉంటాయి.