డయాబెటీస్ కంట్రోల్ లో ఉండాలంటే ఇలా చేయండి..

డయాబెటీస్ అంటే ఒక కామన్ మెటబాలిక్ కండిషన్. ఈ కండిషన్ ఉన్న వారికి బ్లడ్ షుగర్ లెవెల్స్ మారుతూ ఉంటాయి. వీరికి అన్ని ఫుడ్స్ సరిపోవు. చాలా హెల్దీ అని చెప్పే బెల్లం, బంగాళాదుంప వంటివి కూడా వీరు తినకూడదు. వీరు తినే పదార్ధాలలో గ్లైసెమిక్ ఇండెక్స్ తక్కువగా ఉండాలి. అయితే మన వంటిళ్ళలో రవ్వ లేనిదే కుదరదు. మనకి తెలిసిన స్నాక్ ఆప్షన్స్ లో చాలా వాటికి రవ్వతో చేసేవి కూడా ఉన్నాయి. రవ్వ ఆరోగ్యకరమైనదే షుగర్ పేషెంట్స్ కూడా తినొచ్చా, తినొచ్చంటే ఎలా తీసుకోవాలి అని సందేహం ఉంటుంది.
గ్లైసెమిక్ ఇండెక్స్ అంటే ఒక నంబర్. ఈ నంబర్ మనకి కార్బ్స్ ఎంత త్వరగా గ్లూకోజ్ లా కన్వర్ట్ అవుతాయో తెలుస్తుంది. ఒకే క్వాంటిటీలో కార్బో హైడ్రేట్స్ ఉన్న ఫుడ్స్ కి కూడా వేరు వేరు గ్లైసెమిక్ ఇండెక్స్ నంబర్స్ ఉంటాయి. ఈ నంబర్ ఎంత చిన్నదిగా ఉంటే బ్లడ్ షుగర్ మీద ఆ ఫుడ్ యొక్క ఇంపాక్ట్ అంత తక్కువగా ఉన్నట్లు. ఈ సంఖ్య 55 కంటే తక్కువగా ఉంటే అది లో గ్లైసెమిక్ ఇండెక్స్. ఈ క్యాటగీరీలో ఉన్న ఫుడ్స్ షుగర్ పేషెంట్స్‌కి చాలా మంచివి. 56 - 69 మధ్యలో ఉన్న ఉంటే ఆ ఫుడ్స్ మోడరేట్ గ్లైసెమిక్ ఇండెక్స్ లో ఉన్నట్టు. ఇవి కూడా పెద్ద ప్రాబ్లమ్ లేకుండా తీసుకోవచ్చు. 70 లేదా అంత కంటే ఎక్కువ గ్లైసెమిక్ ఇండెక్స్ ఉన్న ఫుడ్స్ కి డయాబెటిక్ పేషెంట్స్ ఎంత దూరంగా ఉంటే అంత మంచిది. అయితే, రవ్వ గ్లైసెమిక్ ఇండెక్స్ 66. అంటే ఇది మోడెరేట్ గ్లైసెమిక్ ఇండెక్స్ ఉన్న ఫుడ్స్ క్యాటగిరీలోకి వస్తుంది. రవ్వని కూరగాయలతో కలిపి తీసుకుంటే ఉప్మా, దోసె లాగా, డయాబెటిక్ పేషెంట్స్ కి రవ్వ మంచి ఆప్షన్ అవుతుంది. కానీ, రవ్వని తగిన మోతాదులోనే తీసుకోవాలని మాత్రం మర్చిపోకండి.

డయాబెటీస్ తో భాదపడే వారు వారి రోజువారీ ఆహారపదార్దాలలో చిన్న చిన్న మార్పులు చేసుకుంటే హ్యాపీగా ఉండొచ్చు.....
1. హెల్దీ కార్బ్స్ తీసుకోండి. హోల్ గ్రెయిన్స్, పండ్లు, కూరగాయలు, పప్పు ధాన్యాలు, పంచదార వేయని పాలు తీసుకోవచ్చు. పండ్లలో కూడా మామిడి పండు లాంటివి కొద్దిగానే తీసుకోవాలి. అలాగే ఫైబర్ తక్కువగా ఉండే వైట్ రైస్, ప్రాసెస్డ్ ఫుడ్స్ వంటి వాటికి దూరంగా ఉండాలి.
2. ఉప్పు తక్కువగా తీసుకోండి. ఉప్పు ఎక్కువైతే బీపీ పెరుగుతుంది. అందు వల్ల హార్ట్ డిసీజెస్, స్ట్రోక్ వచ్చే రిస్క్ పెరుగుతుంది. షుగర్ పేషెంట్స్ కి ఆల్రడీ ఈ రిస్క్ ఉంటుంది, ఇంకా పెంచడం ఎందుకు? రోజుకి ఆరు గ్రాముల కంటే ఎక్కువ ఉప్పు తీసుకోకపోవడం మంచిది.
3. రెడ్ మీట్, ప్రాసెస్డ్ మీట్ తక్కువగా తీసుకోండి. దాని బదులు ఎగ్స్, ఫిష్, చికెన్, టర్కీ తీసుకోండి. ఉప్పు చల్లని నట్స్ కూడా తీసుకోవచ్చు. సాల్మన్, మ్యాకరెల్ వంటి ఫిష్ లో ఒమేగా-3 ఫ్యాటీ ఆసిడ్స్ ఉంటాయి. అవి తీసుకోవడం ఇంకా మేలు చేస్తుంది.
4. పండ్లూ కూరగాయలూ ఎక్కువ తీసుకోండి. చాలా మంది పండ్ల లో షుగర్ ఉంటుంది కదా అని సందేహిస్తారు. ఉంటుంది కానీ అది నాచురల్ షుగర్. అయినా కూడా ఒకే సారి ఎక్కువ ఫ్రూట్ తీసుకోకుండా రోజు మొత్తం మీద కొద్ది కొద్దిగా తీసుకోవడం మంచిది. అయితే, ఫ్రూట్ జ్యూసెస్ కి మాత్రం దూరంగా ఉండండి.
5. హెల్దీ ఫ్యాట్స్ తీసుకోండి. ఫ్యాట్ తీసుకోకపోతే ఎనర్జీ రాదు. కానీ అన్ని ఫ్యాట్స్ ఆరోగ్యానికి మంచివి కావు. ఉప్పు చల్లని నట్స్, సీడ్స్, అవకాడో, ఆయిలీ ఫిష్, ఆలివ్ ఆయిల్, సన్ ఫ్లవర్ ఆయిల్ వంటివి మంచి ఆప్షన్స్. రెడ్ మీట్, నెయ్యి, బటర్, బిస్కెట్స్, కేక్స్, పేస్ట్రీస్ వంటి వాటికి దూరంగా ఉండడం మంచిది.
6. స్నాక్స్ విషయం లో జాగ్రత్తగా ఉండండి. క్రిస్ప్స్, చిప్స్, బిస్కెట్స్ కంటే యోగర్ట్, ఫ్రూట్, వెజిటబుల్స్ తీసుకోండి. ఇవి తీసుకున్నప్పుడు కూడా పోర్షన్ సైజ్ దృష్టిలో పెట్టుకునే ఉండాలి.
7. ఆల్కహాల్ ఎంత తగ్గిస్తే అంత మంచిది. బరువు ఎక్కువగా ఉంటే ఈ విషయం లో ఇంకా జాగ్రత్తగా ఉండాలి. మీరు తీసుకోదల్చుకున్న తక్కువ ఆల్కహాల్ కూడా ఒకే సారి తీసుకోకండి. అలాగే, వారం లో కొన్ని రోజులు అసలు ఆల్కహాల్ తీసుకోకుండా ఉండడానికి ట్రై చేయండి.
8. ఫిజికల్ గా యాక్టివ్ గా ఉండడం అందరికీ అవసరమే, షుగర్ పేషెంట్స్ కి ఇంకా అవసరం. వారంలో ఐదు రోజులు రోజుకి కనీసం ముప్ఫై నిమిషాల పాటు ఎక్సర్సైజ్ చేయటం మర్చిపోకండి.