డయాబెటిస్ భాదితులకు చక్కటి స్వీట్ రెసిపి!

     Written by : smtv Desk | Fri, Nov 19, 2021, 12:50 PM

డయాబెటిస్ భాదితులకు చక్కటి స్వీట్ రెసిపి!

స్వీట్లపై మక్కువ ఉన్నవారికి ఇష్టమైన స్వీట్లు, డెసర్ట్‌లకు దూరంగా ఉండటం ఎంత కష్టమో తెలుసు. పైపైన తిన్నా సరే, తీపి ఆహారాన్ని ఎక్కువగా తీసుకోకూడదని డాక్టర్స్ హెచ్చరిస్తున్నారు. అతిగా తినడం వల్ల రక్తంలో షుగర్ లెవెల్స్ అకస్మాత్తుగా పెరగడానికి దారితీస్తుంది. పైగా డయాబెటిస్ కు దారితీయవచ్చు.కానీ స్వీట్స్ తినాలి అనే కోరిక కలిగినప్పుడు ఏమి చెయ్యాలి? షుగర్ వ్యాధితో బాధపడుతున్నవారు, తప్పకుండా డాక్టర్ తీసుకోవాల్సివుంటుంది. మిగతావారు స్వీట్లకి బదులుగా వేరేవాటితో మీ తీపిపై మక్కువను తీర్చుకోవాల్సి ఉంటుంది అటువంటి వారి కోసమే మిష్టి దోయి .
మిష్టి దోయి బెంగాలీ పండుగలలో ప్రధానమైన డెజర్ట్. దాని రుచి దేశమంతటా ప్రాచుర్యం పొందింది. ఒక ఆరోగ్యకరమైన పదార్ధం 'మిష్టి దోయి'. తియ్యటి పెరుగులోని బెల్లం వల్ల గోధుమ రంగులో ఉంటుంది. దీనిలో చక్కెరకు బదులుగా బెల్లం వాడతారు. బెల్లం వల్ల అనేక ఆరోగ్య ప్రయోజనాలు ఉన్నాయి. పోషకాహార నిపుణురాలు ఒకరు ఈ రుచికరమైన డెసర్ట్ ఆరోగ్య ప్రయోజనాల గురించి వ్రాస్తూ, ఇది "గొప్ప ప్రోబయోటిక్, మీ ప్రేగులకు మంచిది, అద్భుతమైన తీపి పదార్థం..ఎవరైనా భయపడకుండా తినొచ్చు" అని చెప్పారు.
మిష్టి దోయి తయారు చేసే విధానం!

1. ఒక పెద్ద కడాయి లేదా పాన్‌లో 1 లీటరు పూర్తి ఫ్యాట్ కలిగిన పాలను తీసుకోండి. మంటను లో/మీడియం ఫ్లేమ్‌లో ఉంచి పాలను వేడి చేయడం ప్రారంభించండి.
2.వేడెక్కుతున్నప్పుడు అప్పుడప్పుడు మిక్స్ చేస్తూ పాలను మరిగించాలి.
3.ఇలా మరిగించడం వల్ల పాలు మరుగుతూ చిక్కబడతాయి.
4. పాత్రను పక్కన పెట్టి, పాలను సుమారు 8 నుండి 9 నిమిషాలు చల్లబరచండి.
5.ఇంతలోకి 175 నుండి 180 గ్రాముల తాటి బెల్లం మెత్తగా కోసినది లేదా తురుముకుని ఉంచుకోవాలి. మీకు ¾ కప్పు సన్నగా తరిగిన తాటి బెల్లం అవసరం పడుతుంది.
6. 8 లేదా 9 నిమిషాల తర్వాత, పాలలో తరిగిన తాటి బెల్లం కలపండి. బెల్లం కలిపినప్పుడు, పాలు ఉష్ణోగ్రత 60 నుండి 65 డిగ్రీల సెల్సియస్ ఉంటుంది.
7. బెల్లం అంతా కరిగిపోయే వరకు బాగా కలపండి.
8. ½ టీస్పూన్ యాలకల పొడి కలపండి.
9.ఇప్పుడు 2 టేబుల్ స్పూన్ల పెరుగు కలపండి.
10.పెరుగు పాలలో కరిగిపోయేలా చూడాలి.మీకు కావాలంటే మీరు పెరుగును ముందు గిలక్కొట్టి అందులో కలపొచ్చు.
11.ఇప్పుడు దోయిని మట్టి గిన్నెలో పోయాలి.
12.అల్యూమినియం ఫాయిల్‌తో లేదా మూతతో మూసివేయండి.
13.మిష్టి దోయి సెట్ అవడానికి వెచ్చని ప్రదేశంలో ఉంచండి.
14.మిష్టి దోయి సెట్ అయిన తర్వాత, ఫ్రిజ్‌లో పెట్టుకోండి. మిష్టి దోయిని మీ భోజనంతో లేదా డెజర్ట్‌గా కూడ సర్వ్ చేసుకోవచ్చు.

ఖర్జూర బెల్లం లేదా తాటి బెల్లం చాలా పాతది మరియు దాని చరిత్ర విషయానికి వస్తే పోషకాలికి ప్రసిద్ధి. ముడి బెల్లంలో ఎక్కువగా కెమికల్స్ లేనందున, ఈ బెల్లం ఉపయోగించడానికి చాలా మంచిది. బెల్లంలో మెగ్నీషియం, పొటాషియం వంటి ఖనిజాలు పుష్కలంగా ఉంటాయి.
మిష్టి దోయిలో వాడే తాటి బెల్లంలో లో ఐరన్ కూడా పుష్కలంగా ఉంటుంది, ఇది రక్తంలో హిమోగ్లోబిన్ అని పిలువబడే ఆక్సిజన్ కణాల ఉత్పత్తికి సహాయపడే పోషకం. హిమోగ్లోబిన్, చాలా మందికి తెలిసినట్లుగా, శరీరంలోని వివిధ భాగాలకు ఆక్సిజన్ సరఫరాకు బాధ్యత వహిస్తుంది. తక్కువ స్థాయి హిమోగ్లోబిన్ అలసట అంతేకాకుండా చాలా సమస్యలకు దారితీస్తుంది చివరికి రక్తహీనతకు దారితీస్తుంది.
యాంటీ ఆక్సిడెంట్లు పుష్కలంగా ఉండే ఖర్జూరం/ తాటి బెల్లమోలో రోగనిరోధక శక్తిని పెంచడంతోపాటు శరీరంలోని కణాలు మరియు కణజాలాలను ఫ్రీ రాడికల్స్ నుంచి రక్షించడంలో కూడా సహాయపడుతుంది. ఫ్రీ రాడికల్స్ సాధారణంగా వృద్ధాప్య సింటమ్స్ తీసుకురావడానికి కారణమని చెప్పవచ్చు; యాంటీ ఆక్సిడెంట్లు పుష్కలంగా ఉండే ఆహారం, వృద్ధాప్య సింటమ్స్ అంటే, ఫైన్ లైన్స్ మరియు డ్రైనెస్ వంటి వాటిని తగ్గించడంలో సహాయపడుతుంది.






Untitled Document
Advertisements