డెబిట్ కార్డు వాడే వారికి ముఖ్యమైన అలర్ట్...బ్యాంక్ అకౌంట్ ఖాళీ కావొచ్చు

     Written by : smtv Desk | Wed, Dec 08, 2021, 02:38 PM

డెబిట్ కార్డు వాడే వారికి ముఖ్యమైన అలర్ట్...బ్యాంక్ అకౌంట్ ఖాళీ కావొచ్చు

బ్యాంక్ అకౌంట్ ఉందా? అయితే మీరు కచ్చితంగా డెబిట్ కార్డు కలిగి ఉంటారు. బ్యాంకులు వాటి కస్టమర్లకు డెబిట్ కార్డులు అందిస్తాయి. ఏటీఎం నుంచి డబ్బులు తీసుకోవాలన్నా, ఆన్‌లైన్ షాపింగ్ చేయాలన్నా, సినిమా టికెట్లు బుక్ చేసుకోవాలన్నా చాలా మంది డెబిట్ కార్డులను విరివిగా ఉపయోగిస్తూ ఉంటారు.

అయితే డెబిట్ కార్డు వాడే వారు కొన్ని విషయాలు గుర్తుపెట్టుకోవాలి. లేదంటే ఇబ్బందులు పడాల్సి వస్తుంది. ట్రాన్సాక్షన్ నిర్వహించేటప్పుడు అప్రమత్తంగా ఉండాలి. లేదంటే మోసపోవాల్సి రావొచ్చు. మోసగాళ్లు వివిధ మార్గాల్లో మీ వివరాలను తస్కరించడానికి ప్రయత్నిస్తుంటారు.

ఏటీఎంలో డబ్బులు తీసుకునేటప్పుడు జాగ్రత్తగా ఉండాలి. ఒకసారి ఏటీఎం మెషీన్‌‌ను గమనించాలి. పిన్ ఎంటర్ చేసేటప్పుడు ఎవ్వరూ చూడకుండా చూసుకోండి. సాధ్యమైనంత వరకు మీ బ్యాంక్‌ ఏటీఎంనే ఉపయోగించండి.

2. ట్రాన్సాక్షన్లకు సంబంధించిన నోటిఫికేషన్స్ ఎప్పటికప్పుడు పొందటానికి అలర్ట్స్‌ను సెట్ చేసుకోండి. దీని వల్ల లావాదేవీలు నిర్వహించిన ప్రతిసారి ఇమెయిల్, ఎస్ఎంఎస్ అలర్ట్స్ పొందొచ్చు.

3. మీ బ్యాంకింగ్ యాక్టివిటీని, స్టే్ట్‌మెంట్‌ను ఎప్పటికప్పుడు చెక్ చేసుకుంటూ ఉండండి. ఏమైనా తెలియని లావాదేవీలు కనిపిస్తే.. వెంటనే బ్యాంక్‌కు తెలియజేయండి.

4. ఆన్‌లైన్ షాపింగ్ చేసేటప్పుడు సురక్షితమైన సైట్లను ఉపయోగించండి. అలాగే మీ డెబిట్ కార్డు వివరాలను వాటిల్లో సేవ్ చేయొద్దు. అడ్రస్ బార్‌లో https అని ఉందో లేదో చెక్ చేసుకోండి.

5. ఫిషింగ్ స్కీమ్ గురించి తెలుసుకోవాలి. మోసగాళ్లు మోసపూరిత వెబ్‌సైట్లను ఏర్పాటు చేస్తూ ఉంటారు. ఇవి అసలు వెబ్‌సైట్లను పోలి ఉంటాయి. అందువల్ల మీరు వీటితో జాగ్రత్తగాఉండాలి. లేదంటే మీ బ్యాంక్ వివరాలు అన్ని కొట్టేస్తారు.

6. మీ మొబైల్ ఫోన్‌లో యాంటీ వైరస్, యాంటీ స్పైవేర్ సాఫ్ట్‌వేర్లను ఉపయోగించండి. రెగ్యులర్‌గా వీటిని అప్‌డేట్ చేసుకుంటూ ఉండాలి.

7. ఈకామర్స్ లావాదేవీలకు డెబిట్ కార్డును ఉపయోగించడం తగ్గించేయండి. క్రెడిట్ కార్డు వాడితే మంచిది. మీకు నెల రోజుల పాటు గ్రేస్ పీరియడ్ లభిస్తుంది. ఏమైనా మోసం జరిగితే పరిష్కరించుకోవడానికి నెల రోజుల గడువు ఉంటుంది.

8. క్రమం తప్పకుండా ఎప్పటికప్పుడు డెబిట్ కార్డు పాస్‌వర్డ్‌ను మార్చుకుంటూ ఉండాలి.

9. డెబిట్ కార్డు వివరాలను ఎవ్వరికీ చెప్పొద్దు. పిన్, సీవీవీ వంటివి జాగ్రత్తగా ఉంచండి. మోసపూరిత కాల్స్‌తో అప్రమత్తంగా వ్యవహరించాలి.

10. షాపుల్లో లావాదేవీలు నిర్వహించేటప్పుడు ఖాళీ బ్యాంక్ స్టేట్‌మెంట్‌పై సంతకం చేయొద్దు. చిప్ ఎనెబుల్ కార్డ్ రీడర్స్ ద్వారా చెల్లింపులు నిర్వహించండి.





Untitled Document
Advertisements