సాధారణంగా కుంకుమపువ్వుని గర్భం ధరించిన స్త్రీలు మాత్రమే పుట్టబోయే బిడ్డ మంచి రంగు రావాలని వాడుతుంటారు అనుకుంటారు. అలాగే స్వీట్ల తయారీలో అలంకరణ కోసం వాడుతారు అనుకుంటారు. కాని ఎన్నో రకాల ఆరోగ్యప్రయోజనాలు కలిగి ఉన్న ఈ కుంకుమ పువ్వుని ఎవరైనా సరే వాడొచ్చు అంటున్నారు నిపుణులు. ఇంతకి కుంకుమ పువ్వులో ఎలాంటి ఆరోగ్యప్రయోజానాలు ఉన్నాయో చూసేద్దాం..
* ఒక కిలో కుంకుమపువ్వు కాయాలంటే రెండు లక్షల పువ్వులు అవసరం కాబట్టే ధర అధికంగా ఉంటుంది. చెదు కలిసిన తియ్యదనంతో ఉండే కుంకుమ పువ్వు జీర్ణశక్తిని పెంచుతుంది. రక్తప్రసరణను మెరుగుపరచి, రక్తపోటును తగ్గిస్తుంది.
* చైనీయులు వైద్యంలో కాలేయ సామర్ధ్యాన్ని పెంచేందుకు కుంకుమ పువ్వును ఉపయోగిస్తారు.
* ఆయుర్వేదంలో ఉదరం పని తీరును మెరుగుపరిచేందుకు జీర్ణక్రియ సంబంధిత సమస్యల నివారణకు ఉపయోగిస్తారు.
* ఆకలిని క్రమబద్దీకరించేందుకు, జీర్ణరసాల ప్రసరణకు, మోనోపాజ్ సమస్యల చికిత్సకు కుంకుమ పువ్వును వాడతారు.
* దగ్గు, కడుపుబ్బరం చికిత్సకు కుంకుమ పువ్వును వాడతారు.
* శారీరక రుగ్మతలతోపాటు డిప్రెషన్ ను కూడా కుంకుమ పువ్వు తగ్గిస్తుంది.
మరి ఇన్నిరకాల ఆరోగ్యప్రయోజనాలున్న కుంకుమపువ్వుని మనం వాడేద్దాం.