ప్రిఅప్రూర్డ్ పర్సనల్ లోన్స్ అందిస్తున్న SBI!

Written by : smtv Desk | Mon, Jan 03, 2022, 02:53 PM

మీకు డబ్బులు అవసరం ఉందా? మీకు దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియాలో బ్యాంక్ అకౌంట్ ఉందా? ఎస్‌బీఐ అర్హత కలిగిన కస్టమర్లకు సులభంగానే రుణాలు అందిస్తోంది. ప్రిఅప్రూర్డ్ పర్సనల్ లోన్స్ ఆఫర్ చేస్తోంది. వీటి వల్ల క్షణాల్లో అకౌంట్లో‌కి డబ్బులు వచ్చేస్తాయి.
అయితే ఈ సదుపాయం అందరికి అందుబాటులో లేదు. కేవలం ఎంపిక చేసిన కస్టమర్లకు మాత్రమే ప్రిఅప్రూర్డ్ రుణాలు లభిస్తాయి. ఈ సదుపాయం మీకు ఉందో లేదో సులభంగానే తెలుసుకోవచ్చు. మీరు యోనో యాప్‌లోకి లాగిన్ అయ్యి.. మీ అర్హతను చెక్ చేసుకోవచ్చు. యాప్‌లోకి లాగిన్ అయిన తర్వాత కొంచెం కిందకు వస్తే.. లోన్ ఆఫర్ కనిపిస్తుంది.
మీకు లోన్ ఆఫర్ కనిపిస్తే.. అర్హత ఉందని అర్థం చేసుకోవాలి. లేకపోతే లోన్ ఆఫర్ లేదని గమనించాలి. లోన్ ఆఫర్ కనిపిస్తే.. దానిపై క్లిక్ చేసి మీకు నిర్ణీత మొత్తంలో నచ్చిన అమౌంట్‌ను లోన్ రూపంలో పొందొచ్చు. అలాగే లోన్ టెన్యూర్ కూడా ఎంపిక చేసుకోవచ్చు. లోన్ డబ్బులు క్షణాల్లో మీ బ్యాంక్ ఖాతాలో క్రెడిట్ అవుతాయి.
స్టేట్ బ్యాంక్ ట్విట్టర్ వేదికగా ఈ విషయాన్ని వెల్లడించింది. న్యూ ఇయర్‌ను స్పెషల్ ఆఫర్లతో సెలబ్రేట్ చేసుకోవాలని తెలిపింది. బ్యాంక్ నుంచి ప్రిఅప్రూవ్డ్ రుణాలు లభిస్తున్నాయని పేర్కొంది. ఈ తరహా రుణాలపై వడ్డీ రేటు 9.6 శాతం నుంచి ప్రారంభం అవుతోంది. కేవలం 4 క్లిక్స్‌తోనే రుణం పొందొచ్చని బ్యాంక్ తెలిపింది. ఇంకా ప్రిఅప్రూవర్డ్ రుణాలపై ప్రాసెసింగ్ ఫీజు మాఫీ బెనిఫిట్ లభిస్తోంది.
యోనో యాప్ ద్వారా కాకుండా మీరు బ్యాంక్‌కు ఎస్ఎంఎస్ పంపడం ద్వారా కూడా రుణం పొందొచ్చు. దీని కోసం పీఏపీఎల్ అని టైప్ చేసి స్పేస్ ఇచ్చి బ్యాంక్ అకౌంట్ చివరి నాలుగు అంకెలు ఎంటర్ చేయాలి. ఇలా 567676 నెంబర్‌కు ఎస్ఎంఎస్ పంపాలి. మీ రుణ అర్హత ఉందో లేదో తెలిసిపోతుంది. తర్వాత లోన్ కోసం అప్లై చేసుకోవచ్చు.