బిత్తిరిసత్తి ప్రశ్నకు దాని గురించి ఇప్పుడే రివీల్ చేయదలచుకోలేదన్న అనిల్ రావిపూడి

Written by : smtv Desk | Wed, May 25, 2022, 08:28 AM

యువ దర్శకుడు అనిల్ రావిపూడి పనితీరు గురించి ప్రత్యేకంగా చెప్పక్కర్లేదు. అదేవిధంగా అనిల్ రావిపూడికి కామెడీపై ఎంత పట్టు ఉందనేది ప్రత్యేకించి చెప్పనవసరం లేదు. ఈయన దర్శకత్వంలో రూపొందిన గత సినిమాలు చూస్తే ఈ విషయం ఎవరికైనా సులభంగా అర్థమైపోతుంది. అనిల్ రావిపూడి డైరెక్షన్లో రూపొందిన 'ఎఫ్ 3' చిత్రం ఈ నెల 27వ తేదీన భారీస్థాయిలో రీలీజ్ అవుతుంది. ఈ సినిమా రీలిజ్ నేపథ్యంలో ప్రమోషన్స్ జోరుగా జరుగుతున్నాయి.
తాజాగా ఈ చిత్ర బృందాన్ని బిత్తిరి సత్తి ఇంటర్వ్యూ చేశాడు. సత్తి అడిగిన ఓ ప్రశ్నకి అనిల్ రావిపూడి స్పందిస్తూ .. " తమన్నా .. మెహ్రీన్ లాంటి బ్యూటీస్ ఉన్నప్పటికీ సోనాల్ ను ఎందుకు పెట్టామనే విషయం మాత్రం అడగొద్దు. ఆమె పాత్రకి సంబంధించినంతవరకూ ఒక సర్ ప్రైజ్ ఉంది. అందువలన ఆ విషయాలను రివీల్ చేయదలచుకోలేదు.
అలాగే పూజ హెగ్డే చేసిన సాంగ్ తప్పకుండా ఈ చిత్రానికి ప్రత్యేక ఆకర్షణ అవుతుంది. 'ఫలక్ నుమా ప్యాలెస్'లో ఎక్కువ రోజులు షూటింగు జరుపుకున్న చిత్రం మాదే. నేను ఈ సినిమాలోనూ చివర్లో కనిపిస్తాను. ఈ మూవీకి ఆడియన్స్ నుంచి మేము ఆశించే రెస్పాన్స్ ఉంటే, 'ఎఫ్ 4' తప్పకుండా ఉంటుంది. అదేవిధంగా మెయిన్ లీడ్ రోల్స్ లోని నటినటులు వీరే ఉంటారు" అని చెప్పుకొచ్చాడు.