నాయిస్ ఐ1 స్మార్ట్ ఐవేర్ గ్లాసెస్ వచ్చేశాయి. అదిరిపోయే ఆడియో ఫీచర్లతో లాంచ్ అయ్యాయి. మ్యూజిక్ అత్యుత్తమంగా ఉండేలా గైడెడ్ ఆడియో డిజైన్ను ఈ మోడల్ కలిగి ఉంది. కాల్స్ కోసం మైక్ కూడా ఉంది. కళ్ల రక్షణ కోసం UV ప్రొటెక్షన్, బ్లూలైట్ ఫిల్టరింగ్ కూడా ఉంటుంది.
దేశీయ ఆడియో, వేరబుల్స్ తయారీ సంస్థ నాయిస్ తొలిసారి స్మార్ట్ గ్లాసెస్ను లాంచ్ చేసింది. నాయిస్ ఐ1 స్మార్ట్ ఐవేర్ పేరుతో భారత మార్కెట్లోకి తీసుకొచ్చింది. ఆడియో ప్రధానంగా ఈ స్మార్ట్ గ్లాసెస్ను నాయిస్ తీసుకొచ్చింది. గూగుల్, స్నాప్, రేబన్ తీసుకొచ్చిన స్మార్ట్ గ్లాసెస్తో పోలిస్తే ఇది భిన్నంగా ఉంది. ఎందుకంటే నాయిస్ ఐ1గ్లాసెస్కు కెమెరాలు ఉండవు. అయితే ఆడియో స్పెసిఫికేషన్లు మాత్రం అదిరిపోయేలా ఉన్నాయి. మిగిలిన ఫీచర్లు కూడా ఆకర్షణీయంగా ఉన్నాయి. ఆ కంపెనీల స్మార్ట్ గ్లాసెస్తో పోలిస్తే ధర కూడా తక్కువగానే ఉంది. మోషన్ ఎస్టిమేషన్, మోషన్ కంపారిజన్ లాంటి ఫీచర్లతో నాయిస్ ఐ1 వస్తోంది. కాల్స్ కోసం మైక్ కూడా ఉంది. మ్యూజిక్ వినేందుకు స్పీకర్లు ఎంతో బెస్ట్గా ఉన్నాయి. నాయిస్ ఐ1 స్మార్ట్ గ్లాసెస్ స్పెసిఫికేషన్లు, ఫీచర్లు, ధర వివరాలు ఈ విధంగా ఉన్నాయి
స్పెసిఫికేషన్లు, ఫీచర్లు నాయిస్ ఐ1 స్మార్ట్ ఐవేర్ గ్లాసెస్.. గైడెడ్ ఆడియో డిజైన్తో వస్తోంది. దీంతో మ్యూజిక్ ఫ్లో అత్యుత్తమంగా చెవుల్లోకి చేరుతుందని నాయిస్ పేర్కొంది. పరిసరాల శబ్దాలు ఇబ్బంది కలిగించకుండా బ్లాక్ చేసి మంచి ఆడియో ఎక్స్పీరియన్స్ ఇస్తుందని తెలిపింది. మొబైల్కు కనెక్ట్ చేసుకున్నప్పుడు కాల్స్ మాట్లేడేందుకు మైక్రో ఫోన్ కూడా ఈ గ్లాసెస్కు ఉంటుంది. మోషన్ ఎస్టిమేషన్, మోషన్ కంపారిజన్ ఫీచర్లతో వస్తోంది.
నాయిస్ ఐ1 గ్లాసెస్ బ్లూటూత్ 5.1 కనెక్టివిటీతో వస్తున్నాయి. బ్లూటూత్ ద్వారా స్మార్ట్ఫోన్లతో పాటు ఇతర డివైజ్లకు కనెక్ట్ చేసుకోవచ్చు. ఒక్కసారి ఫుల్ చార్జ్ చేస్తే 9 గంటల వరకు వినియోగించుకోచ్చు. 15 నిమిషాల చార్జింగ్తో 120 నిమిషాల మ్యూజిక్ ప్లే బ్యాక్ ఉండేలా ఫాస్ట్ చార్జింగ్ టెక్నాలజీకి కూడా సపోర్ట్ చేస్తుందని నాయిస్ పేర్కొంది.
మల్టీ ఫంక్షన్ టచ్ కంట్రోల్స్ను నాయిస్ ఐ1 గ్లాసెస్ కలిగి ఉంటాయి. కాల్స్ యాక్సెప్ట్ చేయడం, రిజెక్ట్ చేయడం, మ్యూజిక్ను, వాల్యుమ్ను మేనేజ్ చేయడం, వాయిస్ అసిస్టెంట్ను టచ్ కంట్రోల్స్ ద్వారా చేయవచ్చు. స్క్రీన్ల నుంచి వచ్చే బ్లూలైట్ నుంచి కళ్లకు రక్షణ ఉండేలా బ్లూలైట్ ఫిల్టరింగ్ సదుపాయం ఈ గ్లాసెస్కు ఉంది. UV కిరణాల నుంచి కళ్లకు రక్షణను ఇస్తుంది. ల్యాప్టాప్లు, కంప్యూటర్ల సహా డివైజ్లు వాడే సమయంలో ఈ గ్లాసెస్ ధరిస్తే స్పష్టమైన విజన్ ఉంటుందని నాయిస్ పేర్కొంది. వాటర్ రెసిస్టెంట్ కోసం IPX4 రేటింగ్తో నాయిస్ ఐ1 స్మార్ట్ ఐవేర్ గ్లాసెస్ వస్తున్నాయి.
నాయిస్ ఐ1 స్మార్ట్ ఐవేర్ ధర రూ.5,999గా ఉంది. నాయిస్ అధికారిక వెబ్సైట్ gonoise.comలో ఈ వాచ్ సేల్కు అందుబాటులో ఉంది.