పెళ్ళికి చేసిన అప్పులు తీర్చలేక దొంగగా మరీనా పెళ్ళికొడుకు..

     Written by : smtv Desk | Sun, Oct 02, 2022, 12:54 PM

పెళ్ళికి చేసిన అప్పులు తీర్చలేక దొంగగా మరీనా పెళ్ళికొడుకు..

పెద్దలు అంటుంటారు పెళ్లంటే ఆషామాషీ కాదు, పెళ్లయినా, ఇల్లయినా అనుకున్నంతలో కాదంటారు. అలానే ఓ యువకుడు పెళ్లి వయస్సు రావడంతో పాపం, అప్పు చేసి మరీ వివాహం చేసుకున్నాడు. ఆ తర్వాతే అసలు కష్టాలు మొదలయ్యాయి. పెళ్లికి చేసిన అప్పులు తీర్చేందుకు చేస్తున్న ఉద్యోగ సంపాదన చాలక పగటిపూట దొంగతనాలకు పాల్పడుతూ పోలీసులకు అడ్డంగా బుక్కయ్యాడు. ఆ తర్వాత ఆరా తీస్తే గతంలో బాల నేరస్థుడిగా జీవితం గడిపినట్లు విచారణలో తెలిసింది.
మహబూబ్‌నగర్ జిల్లా గొండ్యాలకు చెందిన మహ్మద్ సుభాన్ (25) పీర్జాదిగూడ రామకృష్ణా నగర్‌లోని మసీదు ప్రాంతంలో ఉంటున్నాడు. గతంలో చోరీలు చేసిన సుభాన్, బాల నేరస్థుడిగా కూడా గడిపాడు. అయితే, ప్రస్తుతం ఫుడ్ డెలివరీ బాయ్‌గా పనిచేస్తూ ఇటీవల పెళ్లి చేసుకున్నాడు. అయితే, పెళ్లికి సొంత డబ్బులు పోను అదనంగా రూ.3 లక్షలు అప్పు చేయాల్సి వచ్చింది. పెళ్లయిన తర్వాత ప్రశాంతంగా బతకాలనుకున్న సుభాన్‌కి అప్పుల గోల ఎక్కువైంది. ఫుడ్ డెలివరీ బాయ్‌గా పనిచేస్తే వచ్చే జీతం చాలడం లేదని మళ్లీ పాత వృత్తిలోకి దిగాడు. ఫుడ్ డెలివరీ బాయ్‌గా పనిచేస్తూనే పగటి పూట చోరీల బాట పట్టాడు. మేడిపల్లి ఠాణా పరిధిలోని వివిధ ప్రాంతాల్లో దొంగతనాలు చేసి ఎవ్వరికీ కనిపించకుండా తప్పించుకుని తిరుగుతున్నాడు. ఈ క్రమంలో బోడుప్పల్‌లో అనుమానాస్పదంగా తిరుగుతుండటంతో అరెస్ట్ చేసిన పోలీసులు అతని నుంచి రూ.8 లక్షల విలువైన బంగారు, వెండి నగలను స్వాధీనం చేసుకుని అరెస్ట్ చేశారు.





Untitled Document
Advertisements