ఫైమాకి మట్టి తినే అలవాట్టు.. విచిత్రంగా చెప్పిన రేవంత్ తల్లి..

     Written by : smtv Desk | Sat, Nov 26, 2022, 05:55 PM

ఫైమాకి మట్టి తినే అలవాట్టు.. విచిత్రంగా చెప్పిన రేవంత్ తల్లి..

శుక్రవారం నాటి 83వ ఎపిసోడ్ చిత్ర విచిత్రాలు చాలానే ఉన్నాయి. స్టార్టింగ్ ఫైమా.. బిగ్ బాస్ హౌస్‌లోని గార్డెన్ ఏరియాలో గడ్డిలో ఉన్న మట్టిని ఏరుకుని తింటూ కనిపించింది. ఇదేంటి మట్టి తింటుంది అని హౌస్‌లో ఉన్న వాళ్లు.. చూసి జనాలతో పాటు బిగ్ బాస్ కూడా షాక్ అయ్యాడు. ఈ పిచ్చి చేష్టలు.. కెమెరా ఫుటేజ్ కోసం పడుతున్న కక్కుర్తి అని ఆడియన్స్‌కి అర్థమైంది కానీ.. ఆ ఎడ్డి బిగ్ బాస్‌కి అర్ధం కాక.. మీరు ఏమీ తింటున్నారని అడిగిమరీ చెప్పించుకున్నాడు. ఎలాగూ మీరు మట్టి తింటున్నారు కాబట్టి.. మీ రేషన్ కట్ చేస్తున్నాం అనిచెప్పిన బిగ్ బాస్.. చివర్లో బాగా పర్ఫామ్ చేసిందని అనుకున్నారో ఏమో.. ఆమె కోసం నాలుగు ఎక్స్ ట్రా గుడ్లు పంపించారు.
ఆ తరువాత రేవంత్ భార్యతో వీడియో కాల్ మాట్లాడితే.. అనంతరం రేవంత్ తల్లి బిగ్ బాస్ హౌస్‌లోకి వచ్చింది. కల్మషం లేకుండా అందరితో చక్కగా మాట్లాడింది రేవంత్ తల్లి సీతా సుబ్బలక్ష్మి. అయితే కెప్టెన్‌గా రేషన్ మేనేజర్‌గా ఎంత వరస్ట్‌గా చేస్తున్నాడని చెప్పడానికి ఆ తల్లి చెప్పిన సలహాతోనే అర్ధమైపోయింది. అమీర్ పేట్‌లో హాస్టర్ ఓనర్‌ కూడా ఇంత కక్కుర్తి పడడేమో అన్నట్టుగా ఇంటి సభ్యుల పొట్ట కొడుతున్న రేవంత్‌కి చురకవేసింది అతని తల్లి. ఆ వంట గదిలో నువ్ అలా చేయడం ఏం బాలేదు.. ఇది ఇవ్వను ఇది పెట్టను అని అనకు అని చెప్పింది. కోపం తగ్గించుకో అని సలహా ఇచ్చింది.
ఆ తల్లి.. తల్లిలేని కీర్తిని దగ్గరకు తీసుకుని నువ్ నా కూతురివి.. నీకు నేను ఉన్నాను బాధపడుకు బాగా ఆడు అని చెప్పిన విధానం బాగుంది. ఇక ఆ గెడ్డం ఏంట్రా అలా ఉంది.. తీసుకోవచ్చు కదా అని రేవంత్ తల్లి అనడంతో.. భార్య గర్భిణిగా ఉంది కదా.. తీయొచ్చో తీయకూడదో అని ఉంచేశా.. అని రేవంత్ అన్నాడు. ఏం పర్లేదు తీసేయొచ్చు అని రేవంత్ తల్లి అనడంతో.. రేవంత్ వెళ్లి నీట్‌గా ట్రిమ్ చేసుకుని వచ్చి.. గెడ్డం లేకుండా సర్ ప్రైజ్ లుక్‌లో కనిపించాడు. మీసాలు మెలేస్తూ కొత్త లుక్‌లో బాగా కనిపించాడు రేవంత్.
నేను ఏమైనా మాట్లాడితే మైక్‌లో వినపడిపోతాయిరా.. నీకోసం పులిహోర చేశాను.. సున్నుండలు చేశాను.. వాళ్లకి రెండేసి ఇచ్చి మిగిలినవి నువ్వే తిను అంటూ రేవంత్ తల్లి చెప్తుంటే.. ఆ తల్లి మనసు ఎంత కల్మషం లేకుండా ఉందో అని అనిపించింది. నువ్ ప్రతిసారి ఏడ్వకు.. అలా ఏడ్చేవాడు ఎందుకు వెళ్లాలి.. అని అంటున్నారట.. యూట్యూబ్‌లో పెడతారంట్రా.. నేను బాగా చెప్పానా.. బాగా మాట్లాడానా.. అని మాస్క్ లేకుండా ఉన్నది ఉన్నది మాట్లాడేసింది రేవంత్ తల్లి. అవునురా.. కుక్కలు అరుస్తాయి కదా.. అవి మామూలు కుక్కలేనా.. అని అమాయకంగా అడిగింది రేవంత్ తల్లి. ఆ తరువాత.. అందరితో డాన్స్ చేస్తూ అందర్నీనవ్వించింది రేవంత్ తల్లి సీతా సుబ్బలక్ష్మి.
ఆ తరువాత ఫన్ టాస్క్‌లో భాగం ఇనయ ఫ్యాషన్ టీచర్‌గా మారితే.. శ్రీహాన్‌కి లేడీ గెటప్ వేసి ఆటాడుకుంది శ్రీసత్య. శ్రీహాన్‌కి ఫ్రాక్ వేసి.. హై హీల్స్ వేసి.. అమ్మాయిలా మార్చేశారు. శ్రీహాన్ కూడా.. తొడలు కనిపించేలా ఆ ఫ్రాక్ వేసి మాటి మాటికి సర్దుకుంటూ వయ్యారాలు ఒలకబోస్తూ పెర్ఫామెన్స్‌తో ఇరగదీశాడు. శ్రీహాన్‌కి అయితే ఫుల్ ఎంటర్ టైన్మెంట్ ఎపిసోడ్ పడింది. ఫ్యాంట్ తీసెయ్ అని శ్రీసత్య అనడం.. ఏం మాట్లాడుతున్నావ్ అని డబుల్ మీనింగ్ డైలాగ్‌లు పడటం.. అతను ఫ్రాక్ వేసుకుంటే రేవంత్ కింద పడుకుని కిందికి చూడటం ఓయబ్బో యవ్వారాలు మామూలుగా లేవు.





Untitled Document
Advertisements