నానీ రీసెంట్ హిట్ 'దసరా' 6 రోజుల వసూళ్లు ఇవే!

     Written by : smtv Desk | Wed, Apr 05, 2023, 03:28 PM

నానీ రీసెంట్ హిట్ 'దసరా' 6 రోజుల వసూళ్లు ఇవే!

న్యాచురల్ స్టార్ గా పేరున్న నానీ మొదట్నుంచి కూడా భిన్నమైన కథలు ఎంచుకుంటూ ఇండస్ట్రీలో తనకంటూ ప్రత్యేకమైన స్థానాన్ని ఏర్పరుచుకున్నాడు. ఆయన ఎంచుకునే కథలు డిఫరెంట్ జోనర్ లో ఉన్నప్పటికీ కథ పై ఉన్న నమ్మకంతోనే ముందుకు వెళుతుంటారు. అలాంటి ఓ బిన్నమైన కథతోనే తెరకెక్కిన తాజా చిత్రం 'దసరా'. మొదటి నుంచి నాని 'దసరా' సినిమాపైన గట్టి నమ్మకంతోనే ఉన్నాడు. ఆ నమ్మకానికి తగినట్టుగానే హిట్ కొట్టాడు. నాని కెరియర్లో ఆయన పాన్ ఇండియా సినిమాగా ఇది రిలీజ్ అయింది. క్రితం నెల 30వ తేదీన థియేటర్లకు ఈ సినిమా వచ్చింది. తొలి రోజునే 38 కోట్లకి పైగా గ్రాస్ ను వసూలు చేసింది.

ఇక ఈ సినిమా విడుదలై నిన్నటితో 6 రోజులైంది. ఈ 6 రోజుల్లో ఈ సినిమా ప్రపంచవ్యాప్తంగా 96 కోట్ల గ్రాస్ .. 53.52 కోట్ల షేర్ ను రాబట్టింది. నాని కెరియర్ లోనే అత్యధిక వసూళ్లను సాధించిన సినిమాగా ఇది నిలిచింది. 100 కోట్లకి అత్యంత చేరువగా వెళ్లింది. ఈ మార్కును ఈ సినిమా ఈ రోజున టచ్ చేసే ఛాన్స్ ఉంది.

ఈ సినిమాలో నానీతో పాటు కీర్తి సురేశ్ పోటీపడి నటించింది. నానీ ఎంట్రీ .. ఇంటర్వెల్ బ్యాంగ్ .. క్లైమాక్స్ ఫైట్ ఈ సినిమాకి హైలైట్ గా నిలిచాయి. ఈ సినిమా తెలుగు .. తమిళ .. కన్నడ మలయాళ స్ట్రీమింగ్ హక్కులను 'నెట్ ఫ్లిక్స్' వారు, హిందీ స్ట్రీమింగ్ హక్కులను హాట్ స్టార్ వారు దక్కించుకున్నట్టుగా తెలుస్తోంది.





Untitled Document
Advertisements