Advertisements

Untitled Document

Untitled Document

భారత్ లో ముస్లింలు సంతోషంగా ఉన్నారు.. నిర్మలా సీతారామన్

     Written by : smtv Desk | Tue, Apr 11, 2023, 11:37 AM

భారత్ లో ముస్లింలు సంతోషంగా ఉన్నారు.. నిర్మలా సీతారామన్

గతకొంతకాలంగా పశ్చిమ దేశాలలో ముస్లింల గురించినా ఒ వార్త పెద్ద ఎత్తున ప్రచారంలో ఉంది.ఈ వార్తలపై కేంద్రఆర్ధిక మంత్రి నిర్మలా సీతా రామన్ స్పందించారు. ఇండియాలో ముస్లిం మైనార్టీలు హింసకు గురవుతున్నారంటూ జరుగుతున్న ప్రచారాన్ని నిర్మలమ్మ కొట్టిపడేశారు. ఇస్లామిక్ దేశమైన పాకిస్థాన్ లో కంటే ఇండియాలో ఉన్న ముస్లింలే చాలా సంతోషంగా ఉన్నారని చెప్పారు. ప్రపంచంలో అత్యధిక ముస్లింలు ఉన్న దేశాల జాబితాలో భారత్ రెండో స్థానంలో ఉందని అన్నారు. ఇండియాలో ముస్లింల సంఖ్య కూడా పెరుగుతోందని చెప్పారు. భారత ప్రభుత్వం నుంచి ముస్లింలు హింసను ఎదుర్కొంటున్నట్టయితే 1947 నుంచి వారి జనాభా ఇంత స్థాయిలో పెరిగేది కాదని అన్నారు.

పాకిస్థాన్ లో మైనార్టీల పరిస్థితి రోజురోజుకు దారుణంగా తయారవుతోందని విమర్శించారు. పాక్ లో మైనార్టీల జనాభా నానాటికీ తగ్గుతోందని అన్నారు. వాస్తవాలను తెలుసుకోకుండా భారత్ పై అసత్య ప్రచారం చేయడం సరికాదని హితవు పలికారు. వాషింగ్టన్ లోని పీటర్సన్ ఇన్స్టిట్యూట్ ఫర్ ఇంటర్నేషనల్ ఎకనామిక్స్ లో జరిగిన చర్చా వేదికలో ఆమె ప్రసంగిస్తూ ఈ వ్యాఖ్యలు చేశారు.




Untitled Document
Advertisements