Advertisements

Untitled Document

Untitled Document

శరత్ బాబుతో తనకున్న అనుబంధాన్ని గుర్తుచేసుకున్న రజినీకాంత్

     Written by : smtv Desk | Tue, May 23, 2023, 01:07 PM

శరత్ బాబుతో తనకున్న అనుబంధాన్ని గుర్తుచేసుకున్న రజినీకాంత్

సీనియర్ సినీనటుడు శరత్ బాబు మృతి చెందిన విషయం తెలిసిందే. ఆయన అంత్యక్రియలు కాసేపట్లో చెన్నైలో జరగబోతున్నాయి. చెన్నైలోని టీనగర్ లో ఉన్న శరత్ బాబు నివాసం వద్ద ఆయన భౌతికకాయాన్ని ఉంచారు. సినీ ప్రముఖులు ఆయన నివాసానికి వెళ్లి నివాళి అర్పిస్తున్నారు. కాసేపటి క్రితం సూపర్ స్టార్ రజనీకాంత్ శరత్ బాబు నివాసానికి వెళ్లారు. ఆయన పార్థివదేహానికి పుష్పాంజలి ఘటించారు. ఈ సందర్భంగా ఆయన మాట్లాడుతూ... శరత్ బాబుతో తనకున్న అనుబంధాన్ని గుర్తు చేసుకున్నారు. శరత్ బాబు తనకు అత్యంత సన్నిహితుడని, ఒక మంచి మిత్రుడిని కోల్పోయానని చెప్పారు. నటుడు కాకముందు నుంచి ఆయనతో తనకు పరిచయం ఉందని... తనపట్ల ఎంతో ఆప్యాయంగా ఉండేవాడని తెలిపారు.

శరత్ బాబు మృతి తనను కలచివేసిందని రజనీ చెప్పారు. ఆయన ఎప్పుడూ ఎంతో ప్రశాంతంగా ఉండేవారని, ఆయన కోపంగా ఉండటాన్ని తాను ఎప్పుడూ చూడలేదని అన్నారు. ఎన్నో సినిమాల్లో ఇద్దరం కలిసి నటించామని చెప్పారు. ఆరోగ్యంగా ఉండాలని, సిగరెట్లు తాగొద్దని తనను ఎన్నోసార్లు వారించాడని తెలిపారు. శరత్ బాబు మృతి సినీ రంగానికి తీరని లోటు అని చెప్పారు. ఆయన ఆత్మకు శాంతి చేకూరాలని భగవంతుడిని ప్రార్థిస్తున్నట్టు తెలిపారు.




Untitled Document
Advertisements