బౌల్ట్ ఆడియో ఫ్రీపోడ్స్ ప్రో ట్రూలీ వైర్లెస్ ఇయర్బడ్స్ మనదేశంలో లాంచ్ కానున్నాయి. అల్ట్రా ఫాస్ట్ చార్జింగ్, ఎక్స్ట్రా బేస్ వంటి ఫీచర్లు ఇందులో ఉండనున్నాయి. ఒక్కసారి చార్జ్ చేస్తే 8 గంటల బ్యాటరీ బ్యాకప్ను ఇవి అందించనున్నాయి. చార్జింగ్ కేస్తో కలిపితే మొత్తంగా 32 గంటల బ్యాటరీ బ్యాకప్ లభించనుంది. ఇందులో యూఎస్బీ టైప్-సీ పోర్టును అందించారు. కేవలం 10 నిమిషాల చార్జింగ్తో 100 నిమిషాల ప్లేబ్యాక్ టైంను ఇవి అందించనున్నాయి. వీటి ధరను మనదేశంలో రూ.1,299గా నిర్ణయించారు. బ్లాక్, బ్లూ, వైట్ రంగుల్లో వీటిని కొనుగోలు చేయవచ్చు. వీటిపై ఒక సంవత్సరం వ్యారంటీని అందించనున్నారు. ఫ్లిప్కార్ట్లో వీటిని కొనుగోలు చేయవచ్చు. వీటికి సంబంధించిన సేల్ కూడా ఇప్పటికే ప్రారంభం అయింది.
ఇక స్పెసిఫికేషన్ల విషయానికి వస్తే.. ఇందులో మైక్రో సబ్ఊఫర్ను అందించారు. ఇవి ఎక్స్ట్రా బేస్ను అందించనున్నారు. మెరుగైన కాల్ క్లారిటీ కోసం రెండు మైక్రోఫోన్లు కూడా ఇందులో అందించారు. ఈ ఫ్రీపోడ్స్ ప్రో ఇయర్బడ్స్ను ఎర్గోనోమిక్ ఆకారంలో రూపొందించారు. ఐపీఎక్స్5 వాటర్ రెసిస్టెంట్ ఫీచర్ కూడా వీటిలో ఉంది. వర్షం, నీరు, చెమట కారణంగా ఇవి డ్యామేజ్ అవ్వవు.
బ్లూటూత్ వీ5 సపోర్ట్ కూడా ఇందులో ఉంది. టచ్ కంట్రోల్స్ కూడా ఇందులో ఉన్నాయి. కాల్స్ లిఫ్ట్ చేయడం, కట్ చేయడం, వాల్యూమ్ అడ్జస్ట్ చేయడం, మ్యూజిక్ ట్రాక్స్ కంట్రోల్ చేయడం, స్మార్ట్ ఫోన్ వాయిస్ అసిస్టెంట్ను ట్రిగ్గర్ చేయడం వంటివి ఈ టచ్ కంట్రోల్స్ ద్వారానే చేయవచ్చు.
ఇందులో డ్రైవర్లు కూడా ఎక్స్ట్రా బేస్ను అందిస్తున్నాయి. పైన పేర్కొన్నట్లు ఒక్కసారి చార్జ్ చేస్తే.. 8 గంటల ప్లేబ్యాక్ టైంను అందించనున్నాయి. చార్జింగ్ కేస్తో కలిపి మొత్తంగా 32 గంటల బ్యాటరీ బ్యాకప్ లభించనుంది. ఇవి పూర్తిగా చార్జ్ అవ్వడానికి 2 గంటల సమయం పట్టనుంది.