ఇన్‌ఫీనిక్స్ హాట్ 10 ప్లే కొత్త వేరియంట్

ఇన్‌ఫీనిక్స్ హాట్ 10 ప్లేలో కొత్త వేరియంట్ మనదేశంలో లాంచ్ అయింది. 3 జీబీ ర్యామ్, 32 జీబీ స్టోరేజ్‌ను ఇందులో అందించారు. ఇందులో మీడియాటెక్ హీలియో జీ35 ప్రాసెసర్‌ను అందించారు. 6000 ఎంఏహెచ్ భారీ బ్యాటరీ ఇందులో ఉంది. ఫోన్ వెనకవైపు రెండు కెమెరాలను అందించారు. ఇందులో కేవలం ఒక్క వేరియంట్ మాత్రమే గతంలో లాంచ్ అయింది. 4 జీబీ ర్యామ్ + 64 జీబీ స్టోరేజ్ ఉన్న ఈ వేరియంట్ ధరను రూ.8,999గా నిర్ణయించారు. ఇప్పుడు లాంచ్ అయిన 3 జీబీ ర్యామ్ + 32 జీబీ స్టోరేజ్ వేరియంట్ ధర రూ.7,999గా ఉంది. మొరాండీ గ్రీన్, 7 డిగ్రీ పర్పుల్, ఏగన్ బ్లూ, ఆబ్సిడియన్ బ్లాక్ రంగుల్లో ఈ ఫోన్ కొనుగోలు చేయవచ్చు.

ఇందులో 6.82 అంగుళాల హెచ్‌డీ+ టీఎఫ్‌టీ డిస్ ప్లేను అందించారు. వాటర్ డ్రాప్ తరహా నాచ్‌ను ఇందులో అందించారు. దీని స్క్రీన్ టు బాడీ రేషియో 90.66గానూ, యాస్పెక్ట్ రేషియో 20:9గానూ ఉంది. 2.3 గిగాహెర్ట్జ్ మీడియాటెక్ హీలియో జీ35 ప్రాసెసర్‌పై ఈ ఫోన్ పని చేయనుంది.

4 జీబీ ర్యామ్, 64 జీబీ స్టోరేజ్‌ను ఇందులో అందించారు. మైక్రో ఎస్‌డీ కార్డు ద్వారా మరో 256 జీబీ వరకు స్టోరేజ్‌ను పెంచుకోవచ్చు. ఇందులో 6000 ఎంఏహెచ్ భారీ బ్యాటరీని అందించారు. పవర్ మారథాన్ టెక్నాలజీ కూడా ఉంది. దీని ద్వారా ఫోన్ బ్యాటరీ బ్యాకప్ 25 శాతం పెరగనుంది. 55 రోజులకు పైగా స్టాండ్ బై టైం, 23 గంటల నాన్ స్టాప్ వీడియో ప్లేబ్యాక్, 53 గంటల 4జీ టాక్ టైం, 44 గంటల మ్యూజిక్ ప్లేబ్యాక్, 23 గంటల వెబ్ సర్ఫింగ్‌ను ఈ బ్యాటరీ అందించనుంది.

ఇక కెమెరాల విషయానికి వస్తే.. ఇందులో వెనకవైపు రెండు కెమెరాలు అందించారు. 13 మెగాపిక్సెల్ కెమెరా, మరో ఏఐ లెన్స్ ఇందులో ఉన్నాయి. క్వాల్ ఎల్ఈడీ ఫ్లాష్, స్లో మోషన్ వీడియో, డాక్యుమెంట్ మోడ్ వంటి ఫీచర్లు కూడా ఇందులో ఉన్నాయి. ఇక సెల్ఫీలు, వీడియో కాల్స్ కోసం ముందువైపు 8 మెగాపిక్సెల్ కెమెరాను అందించారు. ముందువైపు కూడా ఫ్లాష్ ఉండటం విశేషం.

ఏఐ పొర్‌ట్రెయిట్, 3డీ బ్యూటీ ఫేస్ మోడ్, వైడ్ సెల్ఫీ మోడ్, ఏఆర్ యానిమోజీ, ఏఆర్ ఫేస్ మోషన్ వంటి కెమెరా ఫీచర్లు కూడా ఇందులో ఉన్నాయి. జీపీఎస్, వైఫై, బ్లూటూత్, మైక్రో యూఎస్‌బీ పోర్టు, 3.5 ఎంఎం ఆడియో జాక్, ఎఫ్ఎం రేడియో ఫీచర్లు ఇందులో ఉన్నాయి. ఫోన్ వెనకవైపు ఫింగర్ ప్రింట్ సెన్సార్ అందుబాటులో ఉంది. ఫోన్ మందం 0.89 సెంటీమీటర్లుగా ఉంది.