రాజమౌళి హీరోలతో RRR ఫ్రెండ్షిప్ ప్రమోషనల్ సాంగ్

     Written by : smtv Desk | Thu, Jul 22, 2021, 05:06 PM

రాజమౌళి హీరోలతో RRR ఫ్రెండ్షిప్ ప్రమోషనల్ సాంగ్

'ఆర్ఆర్ఆర్' నిర్మాణం చివరిదశకు చేరుకుంది. దీంతో ప్రధాన తారాగణంపై కీలక సన్నివేశాలను దర్శకుడు రాజమౌళి చిత్రీకరిస్తున్నారు. ఇక చిత్రాన్ని అక్టోబర్ 13న ప్రపంచ వ్యాప్తంగా భారీ ఎత్తున విడుదల చేయడానికి మరోపక్క ఏర్పాట్లు జరుగుతున్నాయి. ఈ క్రమంలో చిత్రం ప్రమోషనల్ కార్యక్రమాలను కూడా భారీగా ప్లాన్ చేస్తున్నారు. ఇందుకోసం ప్రత్యేకంగా ఓ ప్రమోషనల్ సాంగును కూడా చిత్రీకరిస్తున్నారు. ఈ పాటకు స్టార్ మ్యూజిక్ డైరెక్టర్ అనిరుధ్ బాణీలు కడుతున్నట్టు చెబుతున్నారు. ఇక ఈ పాట చిత్రీకరణ కోసం ఆరున్నర కోట్ల వ్యయంతో భారీ సెట్స్ వేశారట. ఇక్కడ మరో విశేషం ఏమిటంటే ఈ పాటలో రాజమౌళి హీరోలు ప్రభాస్, రానా, రవితేజలు మెరవనున్నట్టు తెలుస్తోంది. చిత్రంలోని ప్రధాన తారాగణమైన ఎన్టీఆర్, రామ్ చరణ్, అలియా భట్, అజయ్ దేవగణ్ తదితరులతో పాటు ప్రత్యేక గెస్టులుగా ప్రభాస్, రానా, రవితేజలు ఈ పాటలో కనిపిస్తారని తాజా సమాచారం.





Untitled Document
Advertisements