'మోస్ట్ ఎలిజబుల్ బ్యాచ్‌లర్' రీ షూట్

     Written by : smtv Desk | Sat, Jul 24, 2021, 04:59 PM

'మోస్ట్ ఎలిజబుల్ బ్యాచ్‌లర్' రీ షూట్

బొమ్మరిల్లు భాస్కర్ దర్శకత్వంలో వస్తున్న సినిమా 'మోస్ట్ ఎలిజబుల్ బ్యాచ్‌లర్' . ఈ సినిమా షూటింగ్ మొత్తం పూర్తయిందని దర్శకుడు ఇది వరకే ప్రకటించారు. పోస్ట్ ప్రొడక్షన్ పనులు కూడా మొదలయ్యాయని తెలిపారు. అయితే ఇప్పుడు మళ్లీ ప్యాచ్ వర్క్ చేస్తున్నట్టు కనిపిస్తోంది.

కొన్ని సీన్లను దర్శకుడు మళ్లీ తెరకెక్కిస్తోన్నట్లు తెలుస్తోంది. లాక్డౌన్ ముగిశాక విడుదలయ్యే మొదటి పెద్ద సినిమా తమదే అయి ఉంటుందని బొమ్మరిల్లు భాస్కర్ ఎంతో ధీమా వ్యక్తం చేశారు. ఇంత సమయం దొరికింది కదా? ఇంకా సీన్లను ఏమైనా డెవలప్ చేశారా? అని ప్రశ్నిస్తే.. అవునంటూ సమాధానం ఇచ్చారు. ఎప్పుడూ ఏదో ఒక కరెక్షన్ ఉంటూనే ఉంటుందని అన్నారు.

ఇక ఇప్పుడు బ్యాచ్ లర్ సినిమాలోకొన్ని సీన్లను రీ షూట్ చేస్తున్న క్రమంలో పూజా హెగ్డే మళ్లీ సెట్ మీదకు వచ్చినట్టు కనిపిస్తోంది. మొత్తానికి చాలా గ్యాప్ తరువాత వస్తోన్న చిత్రం కావడంతో భాస్కర్ కూడా ఎన్నో జాగ్రత్తలు తీసుకుంటున్నట్టు తెలుస్తోంది. ప్రతీ ఒక్కరూ చూడదగ్గ చిత్రమని, ఇందులో ఓ కొత్త పాయింట్ ఉంటుందని భాస్కర్ చెప్పుకొచ్చాడు. ఈ చిత్రంతో అక్కినేని అఖిల్‌కు సరైన హిట్ వస్తుందని అభిమానులు అనుకుంటున్నారు.





Untitled Document
Advertisements