ఆధార్ కార్డులో తప్పులున్నాయా? ఇంట్లో నుంచే పని పూర్తి చేసుకోండి!

Written by : smtv Desk | Mon, Jul 26, 2021, 10:53 AM

పాన్ కార్డు, రేషన్ కార్డు మాదిరి ఆధార్ కార్డు కూడా కీలకమైన డాక్యుమెంట్లలో ఒకటని చెప్పుకోవచ్చు. ఇది ఐడెంటిటీ కార్డుగా, అడ్రస్ ప్రూఫ్‌గా పని చేస్తుంది. యూఐడీఏఐ ఆధార్ కార్డులను జారీ చేస్తుంది. అయితే ఆధార్ కార్డు వివరాల్లో తప్పులు ఉండొచ్చు. వీటిని సులభంగానే సరిచేసుకోవచ్చు.

ఆధార్ ఎన్‌రోల్‌మెంట్ సెంటర్ లేదా యూఐడీఏఐ ఆన్‌లైన్ ద్వారా సులభంగానే ఆధార్ వివరాలను సరిచేసుకోవచ్చు. పేరు, అడ్రస్, జెండర్, పుట్టిన తేదీ వంటి వివరాలను అప్‌డేట్ చేసుకోవడానికి ఎక్కడికీ వెళ్లాల్సిన పని లేదు. ఆన్‌లైన్‌లోనే సరిచేసుకోవచ్చు. దీనికి రిజిస్టర్డ్ మొబైల్ నెంబర్ కచ్చితంగా మీ వద్దనే ఉండాలి.

Also Read: పాస్‌పోర్ట్ కోసం అప్లై చేసుకునే వారికి శుభవార్త!

పేరు, పుట్టిన తేదీ, జెండర్, అడ్రస్ వంటి వాటిని ఆన్‌లైన్‌లోనే మార్చుకోవచ్చని యూఐడీఏఐ తెలిపింది. దీని కోసం మీరు యూఐడీఏఐ వెబ్‌సైట్‌కు వెళ్లాలి. అక్కడ మై ఆధార్ అని ఉంటుంది. దీనిపై క్లిక్ చేయాలి. ఇప్పుడు అప్‌డేట్ డెమోగ్రాఫిక్స్ డేటా ఆన్‌లైన్ ఆప్షన్ కనిపిస్తుంది.

దీనిపై క్లిక్ చేయాలి. ఆధార్ అప్‌డేట్ అనే ఆప్షన్ ఎంచుకోవాలి. ఇప్పుడు ఆధార్ నెంబర్, క్యాప్చా ఎంటర్ చేయాలి. ఓటీపీ వస్తుంది. దీన్ని కూడా ఎంటర్ చేయాలి. తర్వాత కావాల్సిన డాక్యుమెంట్లను అప్‌లోడ్ చేయాలి. తర్వాత పేమెంట్ చేయాలి. ఇక మీ పని పూర్తయినట్లే.