బన్నీతో సన్నీ!

     Written by : smtv Desk | Mon, Jul 26, 2021, 04:57 PM

బన్నీతో సన్నీ!

దర్శకుడు సుకుమార్ సినిమా అంటే అందులో అన్ని మసాలాలు దట్టిస్తాడు. ముఖ్యంగా ఒక ఐటెం సాంగ్ తప్పకుండా ఉంటుంది. అతని రెగ్యులర్ సంగీత దర్శకుడు దేవిశ్రీ ప్రసాద్ ఇక ఆ పాట ట్యూన్ విషయంలో రెచ్చిపోతాడు. వీరికి స్టయిలిష్ స్టార్ అల్లు అర్జున్ తోడైతే ఇక ఈ ఐటం పాట గురించి చెప్పేక్కర్లేదు. ప్రేక్షకులను ఉర్రూతలూగించే విధంగా అది మాంచి మసాలాతో ముస్తాబవుతుంది.

ఇక విషయానికి వస్తే, ప్రస్తుతం అల్లు అర్జున్, సుకుమార్ కలయికలో 'పుష్ప' సినిమా రూపొందుతోంది. రష్మిక కథానాయికగా నటిస్తోంది. ఈ చిత్రకథ విస్తృతిని బట్టి దీనిని రెండు భాగాలుగా ప్రేక్షకుల ముందుకు తీసుకురావడానికి నిర్ణయించారు. ఈ ఏడాది తొలి భాగం, వచ్చే ఏడాది రెండో భాగం విడుదలవుతాయి.

ప్రస్తుతం తొలి భాగం కోసం దేవిశ్రీ ప్రసాద్ ఫుల్ జోష్ తో సాగే ఓ ఐటెం సాంగును రెడీ చేస్తున్నాడు. ఈ పాటలో బన్నీతో పాటు డ్యాన్స్ చేసే భామ విషయంలో ఇప్పటి వరకూ పలు పేర్లు ప్రచారంలోకి వచ్చాయి. ఈ క్రమంలో తాజాగా బాలీవుడ్ సెక్సీ భామ సన్నీ లియోన్ పేరు వినిపిస్తోంది. తాజాగా చిత్ర నిర్మాతలు ఈ ముద్దుగుమ్మను సంప్రదించారని, అయితే ఆ పాటలో నటించడానికి 90 లక్షల వరకు అడిగిందని తెలుస్తోంది. సినిమాలో ఆమె ఉంటే ఆ గ్లామర్ వేరు కాబట్టి, రేటు కాస్త అటూ ఇటూలో సన్నీని కన్ఫర్మ్ చేసేస్తారని అంటున్నారు.





Untitled Document
Advertisements