Advertisements

Untitled Document

Untitled Document

పోస్టాఫీస్ లో రూ.150 పొదుపుతో రూ.24 లక్షలు

     Written by : smtv Desk | Thu, Sep 23, 2021, 10:53 AM

పోస్టాఫీస్ లో రూ.150 పొదుపుతో రూ.24 లక్షలు

పోస్టాఫీస్ ఎన్నో రకాల స్కీమ్స్ అందిస్తోంది. ఈ స్మాల్ సేవింగ్ స్కీమ్స్‌లో డబ్బులు పెట్టడం వల్ల ఎలాంటి రిస్క్ ఉండదు. అలాగే ఆకర్షణీయ రాబడిని సొంతం చేసుకోవచ్చు. మీరు ఎంచుకునే స్కీమ్ ప్రాతిపదికన మీకు లభించే బెనిఫిట్స్ కూడా ఆధారపడి ఉంటాయి.

పోస్టాఫీస్ అందించే పథకాల్లో పబ్లిక్ ప్రావిడెంట్ ఫండ్ PPF పీపీఎఫ్ స్కీమ్ కూడా ఒకటుంది. ఈ స్కీమ్‌లో చేరితే రాబడి, రక్షణ, పన్ను మినహాయింపు ప్రయోజనాలు పొందొచ్చు. పీపీఎఫ్ మెచ్యూరిటీ కాలం 15 ఏళ్లు. అవసరం అనుకుంటే ఐదేళ్ల చొప్పున టెన్యూర్ పెంచుకోవచ్చు.

ఒక ఆర్థిక సంవత్సరంలో పీపీఎఫ్ అకౌంట్‌లో రూ.1.5 లక్షల వరకు ఇన్వెస్ట్ చేయొచ్చు. ప్రస్తుతం పీపీఎఫ్ స్కీ్మ్‌పై 7.1 శాతం వడ్డీ వస్తోంది. వడ్డీ రేటు ప్రతి మూడు నెలలకు ఒకసారి మారే అవకాశం ఉంటుంది. ఇన్వెస్ట్ చేసే డబ్బులు, తీసుకునే డబ్బులు, వచ్చే వడ్డీపై పన్ను ఉండదు.

ఉదాహరణకు మీరు పీపీఎఫ్ స్కీమ్‌లో చేరారు. రోజుకు రూ.150 పొదుపుతో అంటే నెలకు రూ.4500 పీపీఎఫ్‌లో పెట్టాలని భావించారు. ఇలా మీరు 20 ఏళ్ల వరకు పీపీఎఫ్‌లో డబ్బులు పెడితే.. మీకు మెచ్యూరిటీ సమయంలో చేతికి దాదాపు రూ.24 లక్షలు వస్తాయి.




Untitled Document
Advertisements