బాలయ్య షోలో మెగా హీరోలు?!

Written by : smtv Desk | Tue, Oct 12, 2021, 11:37 AM

నందమూరి బాలకృష్ణ ...మెగా హీరోలైన చిరంజీవి, రామ్ చ‌ర‌ణ్‌ల‌ను ప్ర‌శ్నిస్తున్నారు. ఎందుకు రీసెంట్‌గా జ‌రిగిన మా ఎన్నిక‌లే కార‌ణ‌మా? ఏంటి? అనే సందేహం రాక మాన‌దు. ఇంత‌కీ బాల‌కృష్ణ వారిద్ద‌ర‌నీ ఏమ‌ని ప్ర‌శ్నిస్తారు? వారెలా స‌మాధానం చెబుతారో అనే అనుమానాలు లేక‌పోలేదు. అయితే చిరు, చ‌ర‌ణ్‌ల‌ను బాల‌య్య వేయ‌నున్న ప్ర‌శ్న‌లు.. వారి మ‌ధ్య ఉన్న అనుబంధాన్ని తెలియ‌జేసేద‌ట‌. ఇంత‌కీ బాల‌య్య వారినెందుకు అలా ప్ర‌శ్నిస్తున్నారో అనుకుంటున్నారా?.. టాక్ షో భాగంగానే సుమా!. వివ‌రాల్లోకెళ్తే..

మారుతున్న ట్రెండ్‌ను ఫాలో అవుతూ ఓటీటీ మాధ్య‌మంలోకి అడుగు పెడుతున్న సంగ‌తి తెలిసిందే. తెలుగు ఓటీటీ మాధ్య‌మ‌మైన ‘ఆహా’, ఆయ‌న హోస్ట్‌గా ఓ టాక్‌షోను ప్లాన్ చేసిన సంగ‌తి తెలిసిందే. ‘అన్‌స్టాప‌బుల్’ పేరుతో దీపావ‌ళి నుంచి ఈ టాక్ షో ప్ర‌సారం కానుంది. ఈ టాక్‌షోలో టాలీవుడ్‌కు చెందిన స్టార్ హీరోలంద‌రూ పాల్గొన‌బోతున్నారు. ఆహాలో భాగ‌మైన నిర్మాత అల్లు అర‌వింద్ అందుకు సంబంధించిన ప్ర‌ణాళిక‌లు వేస్తూ వ‌స్తున్నారు. తాజాగా సినీ వ‌ర్గాల్లో వినిపిస్తోన్న స‌మాచారం మేర‌కు, మెగాస్టార్ చిరంజీవి, మ‌రో మెగా హీరో.. చిరు త‌న‌యుడు రామ్‌చ‌ర‌ణ్‌ల‌ను అన్‌స్టాప‌బుల్ టాక్‌షోకు అతిథులుగా ఆహ్వానించే ప్ర‌య‌త్నాలు ముమ్మరంగా చేస్తున్నార‌ట అల్లు అర‌వింద్.

బాల‌కృష్ణ ‘అన్ స్టాప‌బుల్‌’ టాక్ షోలో మొద‌ట‌గా మంచు ఫ్యామిలీ పాల్గొన‌బోతుంద‌ట‌. మోహ‌న్‌బాబు, విష్ణు, మ‌నోజ్‌, ల‌క్ష్మీ ప్ర‌స‌న్న‌లు ఈ టాక్‌షోలో భాగం అవుతున్నార‌ని స‌మాచారం. రీసెంట్‌గానే ఈ టాక్‌షోకు సంబంధించి ప్రోమో చిత్రీక‌ర‌ణ కూడా జ‌రిగింది. అగ్ర తార‌లంద‌రూ పాల్గొన‌బోయే ఈ షోను బాల‌కృష్ణ ఎలా ముందుకు తీసుకెళ‌తాడ‌నేది ఆస‌క్తిక‌రంగా మారింది.