వ్యాయామాలు చేసినా బరువు తగ్గడం లేదా? అయితే ఇలా చేయండి!

     Written by : smtv Desk | Tue, Oct 19, 2021, 11:36 AM

వ్యాయామాలు చేసినా బరువు తగ్గడం లేదా? అయితే ఇలా చేయండి!

మీరు ఎంత కఠిన వ్యాయామాలు చేసినా మీ బరువు తగ్గడం లేదా? ఇష్టమైన పదార్థాలు తినకుండా నోరు కట్టేసుకున్నా ఫలితం ఉండడం లేదా? అయితే బరువు తగ్గడంలో మీ ప్రయత్న లోపమేమీ లేదు. మీ పేగుల్లో ఉండే కొన్ని సూక్ష్మజీవులే మీరు బరువు తగ్గడాన్ని అడ్డుకుంటున్నాయి. లోపలకు వెళ్లిన ఆహారాన్ని శరీరం శోషించుకోవడంలో పేగుల్లోని సూక్ష్మజీవుల (మైక్రో బయోమ్‌)దే కీలకపాత్ర. ఈ మైక్రోబయోమ్‌లో తేడా వల్లే ఊబకాయం పెరిగిపోతోందని పరిశోధకులు చెప్తున్నారు.
మీ శరీరంలో ఉన్న సూక్ష్మజీవుల రకాలను, అవి కలిగి ఉన్న శాతాన్ని వైద్యులు పరీక్షలు చేసి కనిపెట్టగలరు. కానీ ఆ పరీక్షల ద్వారా మీరు బరువు తగ్గడం, వ్యాధిని నివారించడానికి సహాయపడకపోవచ్చు. అయితే తప్పనిసరిగా మైక్రోబయోమ్ టెస్ట్ మాత్రం చేయించుకోవాలని వైద్యులు సూచిస్తున్నారు. తద్వారా శరీరంలో సూక్ష్మజీవుల శాతాన్ని తగ్గించేలా తక్షణ చర్యలు తీసుకునే అవకాశం ఉంటుంది. ఎందుకంటే జీర్ణవ్యవస్థలో ట్రిలియన్‌ల సంఖ్యలో సూక్ష్మజీవులు ఉంటాయి. అవి మైక్రోబయోమ్‌పై ప్రభావం చూపే పరీక్షలను చాలా కంపెనీలు అందిస్తున్నాయి. మన ఆరోగ్యంలో సూక్ష్మజీవులు కీలకపాత్ర పోషిస్తాయని శాస్త్రవేత్తలు అంటున్నారు. మనం ఎంత వయసు కలిగి ఉన్నా శరీరంలోని ఇన్‌ఫెక్షన్‌లతో పోరాడుతుండాలి. అయితే స్థూలకాయం, గుండె జబ్బులు, టైప్ 2 డయాబెటిస్ వచ్చే ప్రమాదాన్ని సూక్ష్మజీవులు ప్రభావితం చేస్తాయి.
మన ఆరోగ్యంలో మైక్రోబయోమ్ ముఖ్యమైన పాత్ర పోషిస్తుందనడంలో ఎలాంటి సందేహం లేదు. మనం తినే ఆహారాన్ని మన శరీరమంతా ప్రయోజనాలను కలిగి ఉండే సమ్మేళనాల శ్రేణిగా మైక్రోబయోమ్ మారుస్తుంది. మన శరీరంలో సూక్ష్మజీవులు వివిధ రకాల విటమిన్లను ఉత్పత్తి చేస్తాయి. జీవక్రియ, మానసిక స్థితిని ప్రభావితం చేసే సెరోటోనిన్ వంటి హార్మోన్‌లు మన శరీరంలో విడుదలవుతాయి. మనం తినే ఫైబర్‌ను పులియబెట్టి దానిని షార్ట్‌ చైన్ ఫ్యాటీ యాసిడ్స్‌గా మార్చడం ద్వారా కడుపులో మంటను తగ్గించవచ్చు. మన మైక్రోబయోమ్‌ల కూర్పు అనేది మన జన్యుశాస్త్రం, మన వాతావరణంతో పాటు మనం తినే ఆహారాలు, మందులు, పానీయాల ద్వారా రూపొందించబడింది.
సాధారణంగా కొవ్వు పదార్థాలు ఎక్కువగా తీసుకునే వారిలో ‘ఎసిటేట్‌’ అనే రసాయనం ఎక్కువగా విడుదలవుతోందట. ఇది క్లోమంలోని బీటా కణాలు ఇన్సులిన్‌ను ఎక్కువ ఉత్పత్తి చేసేలా ప్రేరేపిస్తున్నాయట. అలాగే ఈ రసాయనం గ్యాస్ర్టిన్‌, గ్రెలిన్ అనే హార్మోన్లను విడుదల చేస్తోందట. ఈ హార్మోన్లు అధిక కొవ్వు పదార్థాలను తినేలా మానవ మెదడును ప్రేరేపిస్తాయట. కాగా, ఈ ఎసిటేట్‌కు, ఇన్సులిన్‌ అధిక ఉత్పత్తికి, పేగుల్లోని సూక్ష్మజీవులకు ఏదో సంబంధం ఉందని శాస్త్రవేత్తలు భావిస్తున్నారు. ఆహారం తీసుకునే ప్రక్రియలో తేడా రాగానే అంటే డైటింగ్‌ వంటివి చేయడం మొదలెట్టగానే పేగుల్లోని ఈ సూక్ష్మజీవులు ‘ఎసిటేట్‌’ ఎక్కువ విడుదలయ్యేలా ప్రేరేపిస్తున్నాయట. ఈ ‘ఎసిటేట్‌’ ఆనారోగ్యకర ఆహారాన్ని తీసుకునేలా ప్రేరేపించడంతోపాటు ఇన్సులిన్‌ ప్రతిబంధకతను, ఊబకాయాన్ని పెంచుతోందట. అందుకే ఎంత ప్రయత్నించినా కొంతమంది బరువు తగ్గలేరు. అందువల్ల మైక్రోబయోమ్ టెస్ట్ చేయించుకుంటే మంచిది.
అయితే మైక్రోబయోమ్ పరీక్షలకు మనం ఆస్పత్రికి వెళ్లాల్సిన అవసరం లేదు. ఇప్పుడు మైక్రోబయోమ్ టెస్ట్ కోసం ఆన్‌లైన్‌లో ఒక ఫారం నింపడం, రుసుము చెల్లిస్తే చాలు. సదరు కంపెనీకి చెందిన ప్రతినిధులు మీ ఇంటికి వచ్చి శాంపిల్ కలెక్ట్ చేస్తారు. రెండు మూడు వారాల తర్వాత, మీ శరీరంలోని సూక్ష్మజీవుల అవలోకనాన్ని, అవి వివిధ వ్యాధులు, రుగ్మతలతో సంబంధం కలిగి ఉన్నాయో లేదో అందించే నివేదికను మీరు పొందుతారు. మీ మైక్రోబయోమ్, ఇతర వ్యక్తిగత డేటా ఆధారంగా మీరు ఎలాంటి ఆహారాలు తీసుకోవాలో కూడా కంపెనీలు సూచిస్తాయి.
మన వేలిముద్రల తరహాలోనే మన శరీరంలోని మైక్రోబయోమ్‌లు కూడా ప్రత్యేకమైనవి. ఒకేలా కనిపించే కవల పిల్లలకు కూడా ఒకే లాంటి మైక్రోబయోమ్‌లు ఉండవు. వ్యక్తుల మధ్య చాలా వ్యత్యాసాలతో మైక్రోబయోమ్ ఉంటుంది. ఆరోగ్యకరమైన మైక్రోబయోమ్ ఎలా ఉంటుందో వైద్య నిపుణులకు కూడా కచ్చితమైన ఏకాభిప్రాయం లేదు. నిర్దిష్ట బ్యాక్టీరియా జాతులు, తక్కువ స్థాయి సూక్ష్మజీవుల వైవిధ్యం స్థూలకాయం, జీవక్రియ వంటి వాటిని ప్రోత్సహిస్తాయా లేదా దీనికి విరుద్ధంగా ఉంటాయా అనే విషయంపై ఎల్లప్పుడూ స్పష్టత లేదు. కొన్ని సూక్ష్మజీవుల సమూహాలు కొంతమందిలో ప్రయోజనకరంగానూ, ఇతరులలో హానికరంగానూ కనిపిస్తాయి.
గతంతో పోలిస్తే ఇప్పుడు వైద్య శాస్త్రం చాలా పురోగతి సాధించింది. దీంతో ఆరోగ్యంగా ఉన్న, అనారోగ్యంతో బాధపడుతున్న వ్యక్తుల జాబితాలో సాధారణంగా ఎలాంటి బ్యాక్టీరియా ఉందో కనుగొంటున్నామని మైక్రోబయోమ్‌పై అధ్యయనం చేస్తున్న పరిశోధకులు చెప్తున్నారు. కానీ బ్యాక్టీరియా గురించి, శరీరంలో వేగంగా అభివృద్ధి చెందుతున్నసూక్ష్మజీవుల గురించి.. మనకు అవి మంచిని కలగజేస్తాయా లేదా చెడు చేస్తాయా అన్న కోణంలో చెప్పడం కష్టమని వారు అభిప్రాయపడుతున్నారు. ఒక నిర్దిష్ట జాతికి చెందిన బ్యాక్టీరియా మనం తినే ఆహారాలకు ఎలా ప్రతిస్పందిస్తుందో తెలిసినా అది ఇతర సూక్ష్మజీవులతో కలిస్తే ఏం జరుగుతుందో తెలుసుకోవడం కష్టమని వారు చెప్తున్నారు.





Untitled Document
Advertisements